Wanna Koiola koggokonna kohtun Wissen, sel 21sel webruaril 1877

Man olliwa: kohtowannemb, Michel Kurwitz

                     kohtomees, Jaan Plak

                     kohtomees, Karel Tobrelutz

Ewa Järweots kaibap, omma eest saisja Jaan Semm man ollekin, et Jaan Järweots tedda pesnu; nõwwap henda pesmisse eest 100 rbl. sis om rahho.

Jaan Järweots wastutas:"Minna ei olle tedda pesnu, ei ka tol tunnil, kui henda arwap minnust pestus sawat, - koggonist om(m)a silmaga tedda nännü. - 

Selleperrast om se kiusus, et Ewa Järweots minnewa suwwel minnust woito es sa ja tahhap nüüd selle kawwalussega wastsest, minno ilma süüta kimbotada." -

Ewa Sem(m) and tun(n)istust:"Minna kuli ütte käggisemist tahran; ent Ewa Järweots pesmist minna es näe." -

Liis Lutzar and tunnistust:"Minna näije, et Jaan Järweots usaija pääl olli, ent Ewa Järweots pesmist minna es näe." -

Jaan Järweots wastutas:"Minna es sa om(m)a jallaga om(m)ast majast wälja; nink Liis Lutzar ei woi ka minno wasta tunnistaja olla; sest et tem(m)a minno kige suremb wihhalinne om; nink ei woi tedda henda wasta tunnistajas wasta wõtta."

Moistetu:Et märastige awwalikko tunnistust ei ka näggiat ei olle, et Jaan Järweots, Ewa Järweotsa olles pesnu. -

Otsus: Ei sa kaibaja middagi se kõrd ilma tunnistusseta hendale hallo rahhas sama. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                         Kohtowannemb, Michel Kurwitz  XXX

                         Kohtomees, Jaan Plak  XXX

                         Kohtomees, Karel Tobrelutz  XXX

                                     Kirjotaja, J. Käis