Moisa wallitseja Kuslabuu päle tunnistawa moisa rahwa nimmelt Tönno Waggo Kustaw Pikk nink Ann Waggo et Süggisse Mihkli päiwa Wörro Ladele minnen om Wallitseja moisa Uibo aijast sülläga töstnu nink omma Wankri pandnu. Karja naine tunnistas et ta om kate körd winu nink ütlewa et Uibo tünno omma olnu mes ta om töstnu.

Wallitseja ei anna tunnistust nink salgas Koggoni ärrä, et temma ei olle tol körral middagi omma Wankri pandnu ei ka Ladele winu, weel tunnistas Mihkel Tobre et Wallitseja emma olli Süggisse moisa Kartohus kato körd Pangega wötnu, sidda ei salga Wallitseja emma ütles et om wötnu.

Moisa perre tunnistawa weel Wallitseja päle et temma om omma (Ziggole) Pörstele Rükki ja Hernit keetnu tunnistawa et wallitseja om herra wiljä warrastanu. Wallitseja ei anna tunnistust selle perräst arwatas temmale südi et temma ilma kellegi man ollemata om omma mona wilja üts jaggo wiljä wötnu, 6 wakka Rükki man om olnu 6 om ilma näggemäta woet wannast kottussest es olle temmäl Rükki sukkugi ütten todu ni kuis temma wabbantas tolle päle et ta om neid Rükki töisest paigast ütten tonu.

Selle perra om weel wallitseja süüdlasses arwatu, ta ei olle omma mona wiljä wötmist Kooni ramatuhe kirja pandnu

Pä kohtumees Ado Plado XXX

Kohtumees Ado Maask XXX

Kohtumees Peep Müürsep

Wöölmelter Josep Rautsep