Timmo moisa wallitseja Mihkel Kuslapu, nink moisa Kördsi mees Mihkel Tasso kes Sepp om selletiwa omma ütten ellämisse asja Mihkel Tassol olli Wallitsejale 7 Rubla massa temma omma tunnistusse päle, nink es massa seddä arrä, Selle perräst et Mihkel Tasso om wallitsejale Seppa tööd tennu nink keläp selle perräst masmata, Mihkel Tasso and omma to arw ülles, to olli lina hinna perrä kallis arwatu nink olli seda 9 Rubla 10 kopka Koggogunna Kohtus arwasiwa to tö tallo rahwa hinna perrä mes maal saap massetus tawwelikko hinna all, tulli tast Mihkel Tasso omma nöudmisse arwost 4 Rubla 10 kopka mahha, jäi Mihkel Kuslapuul 5 Rubla Seppäle Mihkel Tassole massa, ni om neide assi selletud, Mihkel Tassol olli Mihkel Kuslapuule 7 Rubla massa, Kuslapuul Mihklile 5 Rubla, massap Mihkel weel perrä 2 Rubla.

Kumbgi es olle selle moistmissega rahhul kaibawa suremba kohtu, Selle perräst et Wallitseja Mihkel Kuslapuu es ütle Seppa tö eest sukkugi massa ollewad. Seppa tö sas üles arwatus, mes Sepp essi tunnistas.

Pä Kohtumees Ado Plado XXX

Kohtumees Ado Maask XXX

Kohtumees Peep Müürsepp

Wöölmelter Jaan Kinsigo

Kirjotaja Peter Plado