Ette tulli Jaan Kuk nink kaibas Jaan Lillosoni pääle et tema Kuke kassu poija Mihel Lilloson om mino käest ära wõtnu kes minnol 7 aastat kassu laits om olnu, nink kel 3 aastat kassu latses wõtmise leppingo perra weel puudus om jäänu. Nink mina nõwwa selle leppingo rikmise perast saanut kahju, mis selle poisi ära wõtmisega mulle om saanu 20 rubla hõbetat. Nink üts lehm mis tema hooletuse läbi om hukka lännu, ja oles kui kassulatsele nõutmatas jäänu, ent nüüd nõwwa mina sest 25 rubla hõbetat. Selle poisi kassu latses wõtmise lepingo man omma wöölmündre olnu: Hindrek Wäisweer. ja Daniel Jaaska.

Sai ette kutsutus Jaan Lilloson kes wastut et poisil ollen Kukke manu kõlbmata elu kõrd olnu nink ei olew rõiwast olnu kõlbliku ja ei olnu palka midagi saanu, ja nõud ega mööda lännu aasta eest 5 rubla palka. 

Jaan Kuk wastut selle pääle et keaki tälle tema kassu latse kõlbmata elu perast kui ka rõiwa puuduse perast ei ole keaki tälle sõnnagi lausnu enne täämbast päiwa ja palga perast: kui kõik kassu latse sääduse perra palka saawa sis massa ka minna tälle seda. 

Jääs poolele et Jaan Lilloson pagemise kombel ära om lännu; nink wöölmündre Hindrik Wäisweer ja Danieel Jaaska sija kohtu ette tallitada tõine kõrd.