Wanna Koiola koggokonna kohtun, Wissen, sel 21sel märzil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Michel Hiir kaibap, et wöörmöndre Jaan Pik lubbanu om(m)a sullase Jaan Wals eest, kes nüüd krono tenistuste lännu Põlwa kogg. kohto otsus perra

2 rbl. 75 kop. massa; ent ei olle masnu; nõwwap sedda kätte; sest et tem(m)a om(m)ast käest olla se rahha ärra masnu.

Jaan Pik wastutas:"Minno kätte sedda nim(m)itet rahha ei olle keaki kin(n)i pandnu; ei puttu mulle middagi ja sullase Jaan Wals palk olle minna tälle kätte masnu; nida kui mul leppit olli; woip säält nõuda kos nüüd Jaan Wals tenip." -

Moistetu: Et selle koggokonna kohto läbbi Jaan Pik kätte tem(m)a sullase palk ei olle kinni pantu; enge kül käsk wallawallitsus läbbi tem(m)a sullasele antu, et peap Põlwahe minnema omme asjo perrast ja perrast anti kül Põlwan kirri selle ülle, et peap se rahha sisse Põlwahe masma; ent sis olli jo Jaan Wals krono tenistuste ärra lännu ja Jaan Pik ka tälle palk wälja masnu. -

Otsus: Saap kaibus siist poolt tühjas arwatus ja Michel Hiir woip essi Jaan Wals käest se rahha perra nõuda. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                          Kohtowannemb, Michel Kurwitz  XXX

                           Kohtomees, Jaan Plak  XXX

                           Kohtomees, Karel Tobrelutz  XXX

                                 Kirjotaja, J. Käis