Jakob Thom, Urwaste wallast kaibas et temma ütte puulõikamisse sae Sawwi seppa Johann Malleuse kätte om andnu, nink nüüd temmale mitte kätte ei anna, enge Johann Malleus om üttelnu: "Minna sinno saage ei olle nännu ja ei olle ka tedda sinno käest wasta wõtnu."
Johann Malleus astus kohto ette nink andse selle kaibusse päle nidate tunnistust: "Minna ei olle temma saage nännu ei ka wasta wõtnu. Jakob Thom kõnneles kül, et temma minno man saage tahhab parrantada laska -- muud ei tija minna middake."
Tunnistaja Mihkel Pulst andse nidate tunnistust: "Minna olli kül Sawwi seppa man, kui se Urwaste mees seppikotta tulli, temma terret meid nink läts seppa tarre; minna es näe et temmal üts saag ütten olli."
Tunnistaa Ado Puusep andse nidate tunnistust: "Täämba enne lõunat kussisi minna Waltina kõrtsin Mihkel Pulsti käest: "kohhes sinna lähhat?" Sis ütles Mihkel Pulst: "Minna lähha Wanna Anzmõisa kohto päle selle Urwaste mehhe sae perrast." Sis küssisi minna: "Kas sinna sedda saage ollet nännu Urwaste mehhel, mes temma seppikotta om weenu?" Selle päle ütles Mihkel Pulst: "misperrast minna es näe, Urwastemees pandse selle sae seppikotta saina kõrwale püsti." Minna küsse: "Kas sinna weel seppikoan ollit kui Urwastemees ärrä läts?" Sis kostis Mihkel Pulst: "Meije ollime mõllemba seppikoan."
Tunnistaja Jaan Sibbul, Karrola wallast, andse nidate tunnistust kui Mihkel Pulst tunnistust om andnu -- sõnna sõnnani.
Sel 27. Februar c.
Tunnistaja Sahkri Pik andse nidate tunnistust: "Minna es olle tol kõrral Sawwi seppa man, ja ei wõi ka middake selle sae asjast tunnistust anda."
Leppink tetti siin kohto een: sepp Johann Malleus massab selle sae eest 1 Rbl. rahha Jakob Thomele.
Sellega omma mõllemba rahhule.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Jakob Thom, Urwaste wallast kaibas et temma ütte puulõikamisse sae Sawwi seppa Johann Malleuse kätte om andnu, nink nüüd temmale mitte kätte ei anna, enge Johann Malleus om üttelnu: "Minna sinno saage ei olle nännu ja ei olle ka tedda sinno käest wasta wõtnu."
Johann Malleus astus kohto ette nink andse selle kaibusse päle nidate tunnistust: "Minna ei olle temma saage nännu ei ka wasta wõtnu. Jakob Thom kõnneles kül, et temma minno man saage tahhab parrantada laska -- muud ei tija minna middake."
Tunnistaja Mihkel Pulst andse nidate tunnistust: "Minna olli kül Sawwi seppa man, kui se Urwaste mees seppikotta tulli, temma terret meid nink läts seppa tarre; minna es näe et temmal üts saag ütten olli."
Tunnistaa Ado Puusep andse nidate tunnistust: "Täämba enne lõunat kussisi minna Waltina kõrtsin Mihkel Pulsti käest: "kohhes sinna lähhat?" Sis ütles Mihkel Pulst: "Minna lähha Wanna Anzmõisa kohto päle selle Urwaste mehhe sae perrast." Sis küssisi minna: "Kas sinna sedda saage ollet nännu Urwaste mehhel, mes temma seppikotta om weenu?" Selle päle ütles Mihkel Pulst: "misperrast minna es näe, Urwastemees pandse selle sae seppikotta saina kõrwale püsti." Minna küsse: "Kas sinna weel seppikoan ollit kui Urwastemees ärrä läts?" Sis kostis Mihkel Pulst: "Meije ollime mõllemba seppikoan."
Tunnistaja Jaan Sibbul, Karrola wallast, andse nidate tunnistust kui Mihkel Pulst tunnistust om andnu -- sõnna sõnnani.
Sel 27. Februar c.
Tunnistaja Sahkri Pik andse nidate tunnistust: "Minna es olle tol kõrral Sawwi seppa man, ja ei wõi ka middake selle sae asjast tunnistust anda."
Leppink tetti siin kohto een: sepp Johann Malleus massab selle sae eest 1 Rbl. rahha Jakob Thomele.
Sellega omma mõllemba rahhule.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
