Rosma küllän Koddabolik Paap Liiw olli 6 Rublalinne Hobbene hennele sanu. Timmo Koddaboliko Peter Rautsep nink Jaan Sell, omma kaupelnu Pabo käest töne hobbest suwwes tö tettä, ni et neil kolme kesse olles olnu to Hobbene tö tettä eggäl üttel 2 päiwä näddalist, ja omma lubbanu egga mees 2 Rubla Hobbesse hinda massa. Peter nink Jaan omma 4 Rubla Pabole rahha ärrä masnu. Wastsekojola Pä Kohtumees om kulda sanu et Paap Liiw om Hobbesse Timmo meestele kaupelnu töö tettä, ja Peep om moisaga wölgo, om tolle wölla eest Timmo meeste käest rahha ärrä wötnu, Hobbesse koggoni Timmo meestele ärrä andnu, 1 Rubla omma Peter nink Jaan weel perrä masnu ni omma 5 rubla to hobbesse eest wäljä masnu, ja omma lubbanu 1 Kuwweta rubla eest weel Pebole egga näddäli 1 päiw hobbest anda, nink nüüd ei olle Peter Janiga omma lubbamist piddänu, ja ei olle hobbest sukkugi andnu. Sai siin Koggogunna Kohtun moistetus, Peter Janiga peäwa masma Pabole weel 1 Rubla ja ni jääp to hobbene müütüs, Peter Rautsep ja Jaan Sell üttesse hennel 7 tunnistajad ollewad, ja ütlesse et to assi ei olle öige.

Pä Kohtumees Ado Plado

Kohtumees Ado Maask XXX

Kohtumees Peep Müürsep XXX

Kirjotaja Peter Plado