Wanna Koiola koggokonna kohtun Wissen, sel 4tal aprilil 1877

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Kaddonu Peter Jäger perra jänu laste wöörmöndre ja eestsaisja Johann Jäger ja Johann Konna kaibawa, et Jaan Jäger om(m)ast essast perrandet maja ja maa õigussest ilma jänu, nink olla koggoni wõera Jakob Lutz kätte jänu; nõudwa, et kaddonu Petre Jägeri kige wannemb poig Jaan peap se perrimisse õigus henda kätte sama, kui puhta Wenne rigi õigusse ja selle wälja antu sädusse perra. -

Jakob Lutz wastutas:"Min(n)a olle koddonu Peter Jägeri latse sures kaswatanu ja weel om(m)a kaddonu naise em(m)a 13 aastat kui wanna innemist toitnu ja holitsenu; nink maja ja ma õigust ei anna  min(n)a kellegi käest." -

Moistetu: Et krono moiside üllemb kohhus om Jakob Lutz perremehhes kinnitanu ja Akti tälle kätte andnu

Otsus: Ja jääp ka ikkes kinnitedu perremehhes eddespiddi selle koggokonna kohto poolt

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

               Kohtowannemb, Mihkel Kurwitz

                Kohtomees, Jaan Plak

                Kohtomees, Karli Tobrelutz

Johann Jäger protokoll wälja sanu, sel 9tal aprilil s.a.