Wanna Koiola koggokonna kohtun Wissen, sel 25 aprilil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Johann Lutzar kaibap, et Peter Sing tem(m)a tettu ja külwet kaar, mes kokko pantu tem(m)a poolt; ärra widdanu ja hendele pesnu; nõwwap 25 rbl. sis om rahho.

Peter Sing wastutas: Minna olle wanna kogg. kohto wan(n)emba kässu päle se põld essi külwnu ja kündnu; om(m)a küttisse rügga olle päle; kost eggaüts perre-

mees, kui pops kats wilja peap sama. Nink wargusse wisil olli min(n)o külwet kaar kokko pantu, selle perrast weije minna ka ilma kohto käest lubba küssimata, om(m)a kara henda kätte; sest et pelgamisse al olli, kui ärra ei warrasteda." -

Peep Tobre, Ann Kranzmann ja Marri Lutzar anniwa ütte wisi tunnistust:"Et Johann Lutzar kaar olli tennu ja perrast ütte wanna innemisse läbbi lasknu kokko panda." -

Peter Sing wastutas neide tunnistajide ülle: Et Johann Lutzar jalg tem(m)a wastse küttisse rügga olle päle ei olla sanu; enge tem(m)a essi olla kündnu ja külwnu; mes Joh. Lutzar wargus wisil lasknu kokko panda." -

Moistetu: Et Johann Lutzar tõise külwet põld lask ütte tõise innemisse läbbi kokko panda sallamahti; ilma peris põllo pruukja lubbata; nink Peter Sing ka salla-

mahti hendale ärra weije.

Otsus: Põllo sagi polest om(m)awa mõllemba tõine tõisega tassa; ent selleperrast et mõllemba omma wõimo pruukwa; istup kumbgi 24 tundi 14 päiwa sissen selle koggokonna kohto maja türmin kinni . -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                           Kohtowan(n)emb, Michel Kurwitz  XXX

                             Kohtomees, Jaan Plak  XXX

                             Kohtomees, Michel Plakso  XXX

                                 Kirjotaja, J. Käis

Joh. Lutzar protokoll wälja sanu sel 29 aprilil