Wanna Koiola koggokonna kohtun Wissen, sel 25 aprilil 1877.

Man olliwa kohtowan(n)emb, assemel Karel Tobrelutz

                    kohtomees, Jaan Plak

                    kohtomees, Michel Plakso

Lena Mölder om(m)a eest saisja Jaan Andreiman(n) man ollekin kaibap, et Johann Kurwitz tem(m)a palka 12 rbl. 1 leisika linna, 2 naela willo ja pool pari saapit ärra ei maswat; nõwwap sedda kätte.

Johann Kurwitz wastutas:"Paar poli saapit saije kätte; linno pakki; ent es wõtta ja willo es olle leppit ja minno man teggi tem(m)a Jaan Andreiman(n)le 30 naela linno ja tõise 5 meest ham(m)et hendaga liggi." -

Lena Mölder wastutas:"Se om wõls et saapa olle min(n)a kätte sanu. Linno pakke kül; ent ne es kõlba kellegi, weel wähhemb rõiwa tarbis ja willa olliwa leppit; nink Jaan Andreiman(n)le ei olle minna üts pool langa kedranu, sest et puu hool, kui ka lum(m)e sullataminne minno egga päiwane am(m)et olli; nink tem(m)a ham(m)ete kaomissest ei tija minna middagi." -

Johann Kurwitz wastutas:"Tem(m)al olli ka lats, kedda minna piddi toitma ja nõwwa selle eest 3 rbl. egga kuu eest." 

Moistetu: Et Lena Mölder om(m)a rõiwa päält tolle een pool nim(m)itedu nõuto palga eest Johann Kurwitzat 1 aasta om teenu; mes kohto arwamisse perra

18 rbl. hupi wälja teep; ent Lena ei olle sedda weel kätte sanu. -

Otsus: Peap Johann Kurwitz 18 rbl. puhhast rahha lena Möldre hääs 14 päiwa sissen kätte masma; nink sis omma tõine tõisega tassa.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                      Kohtowan(n)emba assemel, Karel Tobrelutz  XXX

                                                        Kohtomees, Jaan Plak  XXX  

                                                        Kohtomees, Michel Plakso  XXX

                                                                   Kirjotaja. J. Käis

Joh. Kurwitz protokoll wälja sanu sel 30 aprilil s.a.