Wanna Koiola koggokonna kohtun Wissen, sel 25tal aprilil 1877.

Man olliwa kohtowan(n)emba assemel Jaan Maasik

                                    Kohtomees, Karel Tobrelutz

                                    Kohtomees, Michel Plakso

Johann Blak kaibap, et Josep Kriwa tem(m)a kartohwli kuhhi märzi kuul om(m)est tseost lasknu ülles tsungi, mes Josep Kriwa sugguge ei sawat ärra wabbandada; sest et Jaan Kotli sedda selgest olla nännu; nõwwap; et kuhjan olla 200 wakka kartohwlit süggise olnu; nipaljo kartohwlit wasta, kui nim(m)etedu arwust saap ehk puduma; sis om rahho.

Josep Kriwa wastutas: Minna enne ei massa, kui tem(m)a mulle omme ellajide eest minno minnewa aasta röa ja linna kahjo saap kätte masma. " -

Jaan Kotli and ka weel tunnistust: Josep Kriwa tsea olliwa nelja keske kül süggise kartohwli kuhja pääl; ent sel kewajal olliwa jälle kuhja mann ja mõtsan." -

Wöörmöndre Peter Sing and tun(n)istust:"Kuhja ots olli kül wärskist wallale woetu, ent wõtjid minna es näe, nink selge tsikko töö taa kül olli; jalla jälgede perra." 

Moistetu: Et selle asja ülle selget tunnistust ei olle et Josep Kriwa tsea ütsinda olles kuhhi wallale tsungnu; ent kül süggise omma ennegi kuhja pääl olnu, Jaan Kotli wälja üttelus perra.

Otsus: Sis massap Josep Kriwa 15 wakka kartohwlit Johann Black hääs 14 päiwa sissen wälja, et ommele tseole perra es lasse süggise kaija ja tõise kartohwli kuhja päle lask minna. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                     Kohtowan(n)emba assemel Jaan Maasik  XXX

                                             Kohtomees, Karel Tobrelutz  XXX

                                             Kohtomees, Michel Plakso  XXX

                                                      Kirjotaja, J. Käis

Jaan Black protokoll wälja sanu, sel 30nel aprilil s.a.