Wanna Koiola koggokonna kohtun Wissen, sel 10tal mail 1877.

Man olliwa kohtowan(n)emb, Michel Kurwitz

                    kohtomees, Karel Tobrelutz

                    kohtomees, Michel Plakso

Jakob Plakso kaibap, et tem(m)a lepnu Michel Sabbre manno pole suwwe päle tenistuste ja nüüd ei maswat palka; nõwwap sedda kätte. -

Michel Sabbre wastutas:"Minna olles palk 25 rbl. tälle masnu; ent et tem(m)a silmi perrast põddemisse päle jäije ja henda minno tenistussest wallale kiske ja üttel, et tem(m)a tallo tööd ei woiwat tetta, nink jät minno koggoni ilma ja läts om(m)a lubbaga om(m)a teed. Nõwwa hendale leppitut palka tem(m)a käest kätte massa." -

Moistetu: Et Jakob Plakso ilma kohto lubbata henda perremehhe mant wallale kisk ja om(m)a pääd siin ja sääl päiwiti tööd teggi; nink om(m)a leppingut es täüda nida kui § 383 kässep

Otsus: ei olle Jakob Plaksol palga nõudmisse ülle üttegi õigust; nink Michel Sabbre ei woi ka middagi nõuda, sest et silmi perrast Jakob Plakso tenistussest ärra läts; nink wiimselt om(m)a tõine tõisega kohhatl tassa. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                     Kohtowan(n)emb, Michel Kurwitz  XXX

                          Kohtomees, Karel Tobrelutz  XXX

                          Kohtomees, Michel Plakso  XXX

                                    Kirjotaja, J. Käis