Ette tulli mõisa walitseja A. Salf Tilsi rentiku ja kaibas Johann Lokku pääle teotamise perast. Et tema tulli kohto ette kui mõisa walitseja sel 20 Aprillil c. Kaibama Johann Lokku pääle praaga perrast kon täl selge tunnistuse ollen ütten tuwwa olnu; Ja Johann Lokk teda kohto een wõlsjas om üttelnu, nink nõud walitseja selle eest et teda selle teomise eest kohto een, türmi trahwiga saas trahwitus nink ei mitte raha-trahwiga. 

Johann Lok tulli ette ja sai kaibus ette loetus, kes wastut et tema kül se kõrd walitsejat wõlsjas om üttelnu. 

Mõistus:

Konna kohus seda 20. Aprillil kuuld et Johann Lok selge sõnaga kohto een walitseja A. Salfi wõlsjas üttel, kui walitseja, herra kässu pääle ja wana walitseja Kalingi tähe kui ka karja mehhe tunnistuse ette tulli, sis mõist kohus: 

Otsus: Et Johann Lok peap wallitseja A. Salfi teomise eest 2 Rubl. waeste ladikehe masma. 

Kohto mõistmine ja §773 n. 774 sai Kohto käüjile kuulutedus kon kohto käüja mõllemba tunnistiwa et nema selle otsusega rahule ei ole; nink saije ka mõlembile oppus lehe wälja antus. 

Copia Keiserliku V Tartu. Kihelkuna kohtule ärä saadetu sel 12. Junil 1878. JHäusler.