Wanna Koiola koggokonna kohtun Wissen, sel 10tal mail 1877.

Man olliwa kohtowan(n)emb, Michel Kurwitz

                      kohtomees, Karel Tobrelutz

                      kohtomees, Michel Plakso

Johann Black kaibap, et Peter Ram(m)o tem(m)a manno om(m)a rõiwa päle 40 rbl. palga ja katte innemisse aasta mona eest teenma lepnu; ent ei olle län(n)u, nõwwap ülle pää 45 rbl. sis om rahho.

Peter Ram(m)o wastutas:"Minnol saije kül leppitus nida kui Johann Black om kaiwanu; ent naine es tahha mulle perra tulla; selle perrast piddi min(n)a ka tag-

gasi jääma." -

Moistetu: Et se selge awwalik om Peter Ram(m)a om(m)a üttelus perra, et Johann Blacki manno om lepnu teenma; ent et naine perra ei olle lännu, sis om(m)a lepping katski kisknu.

Otsus: Massap Peter Ram(m)o 20 rbl. Johann Black hääs sel 10tal nowembril s.a. wälja ja istup 3 ööd päiwa 14 päiwa sissen selle koggokonna kohto türmin kinni.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                            Kohtowan(n)emb, Michel Kurwitz  XXX

                                Kohtomees, Karel Tobrelutz  XXX

                                         "           Michel Plakso  XXX

                                  Kirjotaja, J. Käis

Joh. Black protokoll wälja sanu sel 17nel mail s.a.