Ette tulli Tilsi rentnik Johann Lokk ja kaibas walitseja Aug. Salfi pääle teotamise perast. Ett kui tema omma rehnungi läts Aug. Salfi manu pidama, om tema kõrdsimees Juulius Sperrlingki kallendri ütten wõtnu, kona sis Salf ollen üttelnu: mis-perast sa kalendri olet ära kribanu. Walitseja Aug. Salf ütles Johan Lok om rehnungi selletanu sis olla tema rehnungiga Lok rahul olnu ja lännu herra manu, kui herra tema käest küsinu kos sul kirjutet om oma rehnung sis lännu Lok kõrdsi manu ja toonu Sperrlengi kalendri herrale ette, kona sis herra üttelnu et mino raamat ei lä sinu raamatuga mitte ütte, ütski päiw. 

Mõistmine.

Kona kohtul selges sai, et Johann Lok ilma asjanda kiusamise kombel walitseja Aug. Salf pääle kaibama tulnu, kui herra rehnungi pidi ja kalendri kriibsu wõlsis tunnistas, nii kui ka tema esi üttel et herra om temaga rehnungi selletanu sis mõist kohus Lokkule ilma asjanda kohtu tülitamise eest: 

Otsus:

Et Johann Lok massap täämba 2 nädäli perast 1 rubl. waeste ladikehe. 

Mõistmine ja §773 n. 774 sai kohto käüjie kuulutedus kuna Johan Lok tunnist et tema sellega mitte rahule ei ole, ent Aug. Salf olli sellega rahule.