Kaibaja: Ette tulli Mai Räbowõitra, soldani naine, oma mehe Jüri man saistet, nink kaibas Leena Mökssi pääle pesmise perast. Et Leena Möks om teda taren sõimanu ja ollen tülitsen tarest wälja een tulnu ja tema tulnu peran tarest wälja nink lats üsjan olnu ja lännu Leenale perra, kes niida ette ollew lännu, kost Leena ütte leppa tüwikuga, keda ta riida eest ollew wõtnu ja katski murdnu, nink sellega tälle edimält hää õla pääle löönu 3 kõrd, nink wisanu see käest maha, wõtu teda rinnast kinni ja keerutanu maha nink lännu jälle riida ette wõtnu peremehe mant säält ütte puu mis katte käega kinni hoitnu ja talle sellega õkwa päha löönu, nink selle samaga teda ka muijale löönu, tunnistaja selle man ollew peremees Michel Wassilie kes kiige aja riida een istnu kui nema tappelnu; nink Aado Härm, kes ka ollew hõiganu et anna mino jago kah! Mai nõud oma pesmise eest 25 rubl. hõbedat
Kaiwataw: Leena Möks tulli ette ja saije kaibus ette loetus, kes wastut et Mai Räbowõitra om teda igawetses litsis sõimanu, et tema petwat tema mehe käest ära, mees ei wõiwat teda enam nätta, kiusawat ja peswat teda, kuna tema sis ollew wastutanu, et, ole kül mis sa mulle sis tetta wõit, sis wõtnu ütte külbi kätte, enne wissanu tüli tungla käest maha, üttelnu ma taha kaija kas ma wõi sulle midagi tetta, nink löönu selle külbiga 3 kõrd temale sälga nii et kulp katski om lönu ja 4jas kõrd latsele, sis ollew tema latse käest ära pandnu ja wõtnu ütte köjutse puu maast ja löönu kül sellega tälle sälga, 2 kõrd nink ei mitte rohkemb. Tunnistaja selle man ollew peremees Michel Wassilie, Karl Kust nink pernaine Anu Wassilie.
1. Tunnistaja: Michel Wassilie tulli ette nink tunnistas et Leena ja Mai om tõrrelden tare alt wälja tulnu mõlembil latse üsjan, nink Leena üttelnu Maijele ärra löögu, sis ollew Mai käen olewa külbiga Leenale 3 kõrd sälga löönu, nink 4jas kõrd Leena üsjan olewa latsele. Sis pandnu Leena latse üsjast ärä, wõtnu ütte puu maast nink löönu Maijele sellega 3 ehk 4 kõrd, sis olew tema Leenat keelnu, ja jätnu ka se sis maha löömisse. Muud ei teedwat tema sest asjast midagi tunnistada.
2. Tunnistaja: Aado Härm tulli ette nink tunnistas et tema ei ollew mitte nännu enn olewida aidu ja hoonete perast, enge kuulnu kül kui Mai ja Leena wälja tare alt tulnu ja Leena Maijele üttelnu, ära löögu Mai! sis üttelnu Mai, sulle kuradi litsile ma näita. Nii kuulnu tema 4 löömise matsu mis Mai Leenale ollew löönu. Perast kuulnu ka Leenat Maijele lööwat niisama paljo kõrd. Muud ei teedwat tema midagi tunnistada.
3. Tunnistaja: Karl Kust tulli ette ja tunnistas et tema om säält mööda lännu, nink nännu et Mai Leenale 2 ehk 3 kõrd ütte kulbiga sälga löönu, tare alt wälja tullen kui mõlembil latse üsjan ollew olnu.
Kohto käüja saije ette weel kutsutus. tunnistuse ette loetus ja küsitus kas nema selle tunnistuse rahul omma: mink pääle Mai üttel: et tunnistaja ollew tema wiha mehe; ent Leenal es ole midagi neide wasta ütlemist
Mõistmine:
Et kohtol awwalikus sai tunnistajide läbi et Mai Räbowõitra om Leena Möksile enne löönu nink tapelusse sünnitaja olnu, sis mõist kohus:
Otsus:
Mai Räbowõitra peap 3 ööd=päiwa kogokonna türmin istma, ja waga latse ränga löögi eest 2 rubla Leenale täämba 2 nädali perast masma. Nink Leena Möks peap 2 ööd=päiwa türmin istma et ta wasta taplema naksi.
Kohto otsus nink §773 n. 774 kohto käüjile sai kuulutedus mink Wasta mõlemba tunnistiwa et nema selle otsusega rahule ei ole. Sai mõlembile opus lehe wälja antus.
Kaibaja: Ette tulli Mai Räbowõitra, soldani naine, oma mehe Jüri man saistet, nink kaibas Leena Mökssi pääle pesmise perast. Et Leena Möks om teda taren sõimanu ja ollen tülitsen tarest wälja een tulnu ja tema tulnu peran tarest wälja nink lats üsjan olnu ja lännu Leenale perra, kes niida ette ollew lännu, kost Leena ütte leppa tüwikuga, keda ta riida eest ollew wõtnu ja katski murdnu, nink sellega tälle edimält hää õla pääle löönu 3 kõrd, nink wisanu see käest maha, wõtu teda rinnast kinni ja keerutanu maha nink lännu jälle riida ette wõtnu peremehe mant säält ütte puu mis katte käega kinni hoitnu ja talle sellega õkwa päha löönu, nink selle samaga teda ka muijale löönu, tunnistaja selle man ollew peremees Michel Wassilie kes kiige aja riida een istnu kui nema tappelnu; nink Aado Härm, kes ka ollew hõiganu et anna mino jago kah! Mai nõud oma pesmise eest 25 rubl. hõbedat
Kaiwataw: Leena Möks tulli ette ja saije kaibus ette loetus, kes wastut et Mai Räbowõitra om teda igawetses litsis sõimanu, et tema petwat tema mehe käest ära, mees ei wõiwat teda enam nätta, kiusawat ja peswat teda, kuna tema sis ollew wastutanu, et, ole kül mis sa mulle sis tetta wõit, sis wõtnu ütte külbi kätte, enne wissanu tüli tungla käest maha, üttelnu ma taha kaija kas ma wõi sulle midagi tetta, nink löönu selle külbiga 3 kõrd temale sälga nii et kulp katski om lönu ja 4jas kõrd latsele, sis ollew tema latse käest ära pandnu ja wõtnu ütte köjutse puu maast ja löönu kül sellega tälle sälga, 2 kõrd nink ei mitte rohkemb. Tunnistaja selle man ollew peremees Michel Wassilie, Karl Kust nink pernaine Anu Wassilie.
1. Tunnistaja: Michel Wassilie tulli ette nink tunnistas et Leena ja Mai om tõrrelden tare alt wälja tulnu mõlembil latse üsjan, nink Leena üttelnu Maijele ärra löögu, sis ollew Mai käen olewa külbiga Leenale 3 kõrd sälga löönu, nink 4jas kõrd Leena üsjan olewa latsele. Sis pandnu Leena latse üsjast ärä, wõtnu ütte puu maast nink löönu Maijele sellega 3 ehk 4 kõrd, sis olew tema Leenat keelnu, ja jätnu ka se sis maha löömisse. Muud ei teedwat tema sest asjast midagi tunnistada.
2. Tunnistaja: Aado Härm tulli ette nink tunnistas et tema ei ollew mitte nännu enn olewida aidu ja hoonete perast, enge kuulnu kül kui Mai ja Leena wälja tare alt tulnu ja Leena Maijele üttelnu, ära löögu Mai! sis üttelnu Mai, sulle kuradi litsile ma näita. Nii kuulnu tema 4 löömise matsu mis Mai Leenale ollew löönu. Perast kuulnu ka Leenat Maijele lööwat niisama paljo kõrd. Muud ei teedwat tema midagi tunnistada.
3. Tunnistaja: Karl Kust tulli ette ja tunnistas et tema om säält mööda lännu, nink nännu et Mai Leenale 2 ehk 3 kõrd ütte kulbiga sälga löönu, tare alt wälja tullen kui mõlembil latse üsjan ollew olnu.
Kohto käüja saije ette weel kutsutus. tunnistuse ette loetus ja küsitus kas nema selle tunnistuse rahul omma: mink pääle Mai üttel: et tunnistaja ollew tema wiha mehe; ent Leenal es ole midagi neide wasta ütlemist
Mõistmine:
Et kohtol awwalikus sai tunnistajide läbi et Mai Räbowõitra om Leena Möksile enne löönu nink tapelusse sünnitaja olnu, sis mõist kohus:
Otsus:
Mai Räbowõitra peap 3 ööd=päiwa kogokonna türmin istma, ja waga latse ränga löögi eest 2 rubla Leenale täämba 2 nädali perast masma. Nink Leena Möks peap 2 ööd=päiwa türmin istma et ta wasta taplema naksi.
Kohto otsus nink §773 n. 774 kohto käüjile sai kuulutedus mink Wasta mõlemba tunnistiwa et nema selle otsusega rahule ei ole. Sai mõlembile opus lehe wälja antus.
