Ni kui 11 Januaril Karel Lutsuweri kaibaminne olli, et temma Linna aidast olliwa wäljä warrastetu, ja ne tunnistamisse ülles saiwa woetus, Sai se assi täämbätsel päiwäl Kihhelkunna Kohto herrä, nink Koggogunna Kohto leppimisse läbbi selges. Karel Lutsuweer sai omma ülles andmist taggassi jätmä, ni et arwas 5 punda Linno ollewat woetu ja tunnistas ka et temma Aida us ehk olli unnetanu lukku pandmada, ni et Andre Maask pölwega töugamissega om wallale tennü ja om neid 5 punna ossa Linno Aidast wäljä warrastanu. Et nüüd Andre omma essitust ja kurja tööd omma suuga sai ärrä awwaltama, ja palleb Kihhelkunna Kohto herrät nink Koggogunna Kohhut hentad selle eest siin samman ärrä trahwi, nink sai ka Andre Maask witsa trahwiga kui ihho nuhtlussega ärrä trahwitus, ja Karel Lutsuwerile massap Andre Maask 15 Rubla neide 5 punna Linno eest.

Pä Kohtumees Johhan Plado

Kohtumees Peep Müürsep XXX

Kohtumees Mihkel Plado XXX

Kirjotaja Peter Plado