Wanna Koiola koggokonna kohtun Wissen, sel 23tal mail 1877.

Man olliwa kohtowan(n)emb, Michel Kurwitz

                   kohtomees, Jaan Plak

                   kohtomees, Karel Tobrelutz

Jaan Lutzar kaibap, et tem(m)a essa Michel Lutzar tälle sel suwwel om(m)ast ostetust hobbesest mes Peter Tobrega kats aastat taggasi ütte ostnu; ennämb jaggo ei andwat; nõwwap sest suwwest egga näddali 1 päiw henda hääs; ehk kui sedda ei tahha; sis masku 10 rbl. sis om rahho. -

Essa Michel Lutzar wastutas:"Minna tälle ei anna hobbest, mes minna talwel ülle ellati; masku kewwaja mulle 5 rbl. sis olle sanu." -

Moistetu: Et essa, kui poig seni kewwajani ütten elliwa ja ütte ülle peijewa se pojast ostetu hobbene.

Otsus: Michel Lutzar masku om(m)a poja hääs 10 rbl. ehk kui sedda ei tahha; sis antku ses suwwes tälle hobbene tööd tetta nipljo, kui poig saap tarwitama; sis om(m)a tõine tõisega tassa. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                           Kohtowan(n)emb, Michel Kurwitz  XXX

                            Kohtomees, Jaan Plak  XXX

                            Kohtomees, Karel Tobrelutz  XXX

                                     Kirjotaja, J. Käis