Wanna Koiola koggokonna kohtun Wissen, sel 30nel mail 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Johann Kadde kaibap, et tem(m)a kaubelnu Ewa Lutzar hendale tenüskihe; lubbanu palgas 20 rbl. ent ei olle tulnu; nõwwap aasta palka; ehk tulgu teenma, sis om rahho. -

Ewa Lutzar om(m)a eestsaisja Michel Tobrelutz´ga wastutas:"Minna lepse kül tedda teenma; ent sis piddi tem(m)a min(n)o wanna jõwwetu em(m)a ka henda pole korteri wõtma; ent sedda tem(m)a es tahha ja and mulle nättal mõtlemisse aigo; nink sis weije tem(m)a käerahha taggasi ja teije sinna liggidale kaup, kohhe em(m)a om(m)ale minno pole sõssare pole kortel saije ja minna tedda allati woi kaema minna." -

Johann Kadde wastutas:"Minna olles ka tem(m)a em(m)a henda pole woinu wõtta." -

Moistetu: Et Johann Kadde leppimisse aigo sedda ei olle teda andnu, et tem(m)a emma olles henda pole korteri wõtnu ja selle päle 1 nättal mõtlemisse aigo kaubeldu tüdrikole olli andnu konna käe rahha woise kaubaldaw taggasi wija; ent talwe sure tuiso perrast paar päiwi käe rahha ildam om Johann Kadde kätte sanu; nink selle ülle ei olle minkisuggust tunnistust, et Johann Kadde emma om henda pole lubbanu korteri wõtta. -

Otsus: Ei olle Johann Kaddel ei palga kui teenma minneki õigust sugguge nõuda ja Ewa Lutzar woip sin(n)a jäda teenma kon ta parhella om, et omma wanna jõwweto emma woip awwitamissen kui tarwis; ka kaema minna; tem(m)ale abbis olla. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                 Kohtowan(n)emb, Michel Kurwitz  XXX

                   Kohtomees, Jaan Plak  XXX

                   Kohtomees, Karel Tobrelutz  XXX

                              Kirjotaja, J. Käis

Joh. Kadde protokoll wälja sanu, sel    junil s.a.