Sel 13. Märzil 1873.
Karl Rautsep, Karl Ots, Linnert Lippart ja Anz Möldre kaibasiwa Annemõisa rentnik Samul Zimmeri päle: "Sel 13. Decembril 1872, kui wallawallitsusse liikmid wastsest walliti, sis om Samul Zimmer sel sammal õddakul Annemõisa kõrtsin üttelnu: "Ne omma õige mehhe, kumma Johann Zimmerit wallawannembas omma wallinu, ent ne 90 kes Kollino Mihkli Lüüsi wallawannembas omma wallinu, ne omma kik walge lehmaga portnu."
Sedda wõiwa ne innimesse tunnistada, kumma sel 13mal Decembril 1872 Annemõisa kõrtsin omma olnu nink neid Samul Zimmeri sõnnu omma kuuldnu. Ne tunnistaja omma: kaupmees Jaan Lüüs, Peter Puk, Jaan Hirse, Sahkri Õllis, Soldat Jaan Hansi ja Peter Wunk.
Samul Zimmer astus kohto ette nink temmale om se Karl Rautsep, Karl Ots, Linnert Lippart ja Anz Möldre kaibus ette loetu; selle päle kostis Samul Zimmer: "Minna ei olle kunnagi nida suggutsid roppu sõnnu ommast suust wälja üttelnu, mes ne üllewan nimmitedu kaibaja minno päle omma kaiwanu. Minnol ommawa tunnistaja, kumma sedda sawa tõttes teggema tunnistusse läbbi, et minna nida suggutsid roppu sõnnu ei olle mitte üttelnu. Ne tunnistaja omma: Wärdi Malleus, Isak Reiljan, Samul Thal, Jakob Zipp, Jürri Zibbu, Karl Sibbul ja Walda Soowa. "
Tunnistaja kaupmees Jaan Lüüs (Lutteri usko) astus kohto nink andse nidate tunnistust: "Sel õddakul kui wallawallitsust walliti olli minna Annemõisan. Kui minna kõrtsi sisse lätsi, sääl jaggati rahwale wiina, minna lätsi ka wiinajaggaja manno, sis üttel Samul Zimmer: "Jaan Lüüsile ärrä andke wiina, Jaan Lüüs om ka üts neidest 90nest walgelehmaga portjatest, tedda wissake kõrtsist wälja;" sis tõukas Samul Zimmer minno ja üttel: "Minne sinna ärrä wälja." Muud ei tija minna ennamb middake tunnistada."
Tunnistaja Peter Puk (Lutteri usko) astus kohto ette nink andse nidate tunnistust: "Minna lätsi Jaan Lüüsika ütten sel wallawallitsusse wallimisse õddakul Annemõisa kõrtsi, kui rahwale wiina jaggati, sis üttel Samul Zimmer: "Jaan Lüüs, sinna ollet ka üts neidest walge lehmaga portjatest, sinnole ei olle wiina waja anda."
Muud ei tija minna ennamb middake tunnistada."
Tunnistaja Jaan Hirse (Lutteri usko) astus kohto ette nink andse nidate tunnistust: "Minna ollisel wallawallitsusse wallimisse õddakul Annemõisa kõrtsin; sis hõikas Samul Zimmer: "Olge waik, teije walge lehma tallaja."
Muud ei tija minna ennamb tunnistada."
Tunnistaja Sahker Õllis (Lutteri usko) astus kohto ette nink andse tunnistust: "Minna olli sel wallawallitsusse wallimisse õddakul Annemõisa kõrtsin, sääl tulli Samul Zimmer taggatarrest wälja ja ütles: "Mes teije walge lehma säljan käuja kärrätsete, olge waik!" Selle päle kostis Peter Zimmer Samul Zimmerile: "Olle sinna waik, ärrä lorrise." Muud ei tija minna ennamb middake tunnistada."
Tunnistaja Peter Wunk (Lutteri usko) astus kohto ette nink andse nidate tunnistust: "Minna olli kül sel wallawallitsusse wallimisse õddakul Annemõisa kõrtsin; minna olli sel kõrral täwweste jobunu, minna ei mälleta middake mes sääl kõnneldi ehk tetti."
Sel 27. Märzil 1873.
Tunnistaja Walda Soowa astus kohto nink andse tunnistust: "Minna ei olle sel wallawallitsusse wallimisse õddakul middake halwa juttu kuuldnu, sel õddakul olli paljo rahwast ja kärrä küllält kõrtsin; minna es wõi kõrtsi rahwa kõnnet mitte kuulda, sest minnol olli kõrtsi kauba kambren lettilawwa taggan essiki paljo teggemist nink kõnnelemist küllalt.
Minna ei tija middake tunnistust anda."
Sel 18. Aprillil c.
Tunnistaja Jakob Zipp (Lutteri usko) astus kohto ette nink andse tunnistust: "Minna olli kül sel õddakul Annemõisa kõrtsin kui wastse wallawannemba liiku joodi. Minna es näe ja es kuule ka sääl ütte halwa juttu ei ka kärrätsemist, minna ei tija ka middake tunnistada."
Sel 20 Aprillil 1873.
Tunnistaja Karl Reiljan (Lutteri usko) andse tunnistust: "Sel õddakull, kui wallawallitsus olli ärrä wallitu, joodi Annemõisa kõrtsin wiina. Kui jo se wiinajoominne pea otsan olli, sis tulli kaupmees Jaan Lüüs Samul Zimmeri manno ja küssis hendale ka wiina, ent Samul Zimmer ütles Jaan Lüüsile: "Kui sinna wiina tahhat, sis osta essi hendale." Sis üttel Jaan Lüüs Samul Zimmerile: "Sõrata minnole ka wiina." Samul Zimmer kostis: "Egga minna sinnol üts lehm ehk kits ei olle, et minna sinnole sõõratama pea." Muud ei tija minna ennamb tunnistada."
Tunnistaja Isak Reiljan (Lutteri usko) tunnistas sõnna sõnnani nida sammute kui Karl Reiljan om tunnistanu.
Tunnistaja Jürri Zibbu (Lutteri usko) andse tunnistust: "Minna olli kül wallawallitsusse wallimisse õddakul Annemõisa kõrtsin, ent minna es näe nink es kuule sääl ütteki tülli ei ka sõimamist, nink ei tija ka ütteki tunnistust anda."
Tunnistaja Wärdi Malleus (Lutteri usko) andse tunnistust nida samma sõnna sõnnani kui Jürri Zibbu om tunnistanu.
Tunnistaja Juk Wallner (Lutteri usko) andse tunnistust nida sammute kui Jürri Zibbu ja Wärdi Malleus om andnu.
Tunnistaja Samul Thal (Lutteri usko) andse tunnistust nida sammute kui Jürri Zibbu, Wärdi Malleus ja Juk Wallner om andnu.
Tunnistaja Märt Oja (Lutteri usko) andse tunnistust: "Minna ei olle muud middake kuuldnu, kui Jaan Lüüs Annemõisa kõrtsi sisse astus ja küssis Samul Zimmeri käest: "Sõõrata minnole ka wiina;" sis üttel Samul Zimmer: "Egga minna sinnole lehm ei olle, et minna sinnole wõi sõõrata." Selle päle kostis Jaan Lüüs: "Kas minna sinnol walge lehmaga hooraja olle." Samul Zimmer üttel Jaan Lüüsile: "Kui sinna essi sedda ütlete, sis ehk ollet sinna ka selle töö teggija, minna sinnole sedda nimme kül ei anna."
Tunnistaja Karl Zibbul (Kreeka usko) andse nida sammute tunnistust kui Märt Oja om andnu."
Tunnistaja Tawit Kender (Lutteri usko) andse tunnistust: "Kui Jaan Lüüs Annemõisa kõrtsi sisse astus nink Samul Zimmeri käest hendale ka wiina küssis neide sõnnadega: "Sõõrata minnole ka wiina;" sis kostis Samul Zimmer Jaan Lüüsile: "Egga minna sinno lehm ei olle, et minna sõõrama pea." Muud ei tija minna ennamb middake tunnistada."
Otsus.
Selle roppu juttu perrast Annemõisa kõrtsin om kohhus mõistnu, et Samul Zimmer massab 1 Rubla ja Jaan Lüüs 1 Rubla trahwi waeste ladiku hääs.
Neile kohton käujatele omma ka ne L. T. S. §§ 772 ja 773 aastast 1860 ette loetu, mes tähhele tulleb panda kui surembat kohhut tahhawa käwwa.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
am 31. mai c. die Copiae Einem Kaisrl VII. Kirchspielsgerichte übersandt.
Sel 13. Märzil 1873.
Karl Rautsep, Karl Ots, Linnert Lippart ja Anz Möldre kaibasiwa Annemõisa rentnik Samul Zimmeri päle: "Sel 13. Decembril 1872, kui wallawallitsusse liikmid wastsest walliti, sis om Samul Zimmer sel sammal õddakul Annemõisa kõrtsin üttelnu: "Ne omma õige mehhe, kumma Johann Zimmerit wallawannembas omma wallinu, ent ne 90 kes Kollino Mihkli Lüüsi wallawannembas omma wallinu, ne omma kik walge lehmaga portnu."
Sedda wõiwa ne innimesse tunnistada, kumma sel 13mal Decembril 1872 Annemõisa kõrtsin omma olnu nink neid Samul Zimmeri sõnnu omma kuuldnu. Ne tunnistaja omma: kaupmees Jaan Lüüs, Peter Puk, Jaan Hirse, Sahkri Õllis, Soldat Jaan Hansi ja Peter Wunk.
Samul Zimmer astus kohto ette nink temmale om se Karl Rautsep, Karl Ots, Linnert Lippart ja Anz Möldre kaibus ette loetu; selle päle kostis Samul Zimmer: "Minna ei olle kunnagi nida suggutsid roppu sõnnu ommast suust wälja üttelnu, mes ne üllewan nimmitedu kaibaja minno päle omma kaiwanu. Minnol ommawa tunnistaja, kumma sedda sawa tõttes teggema tunnistusse läbbi, et minna nida suggutsid roppu sõnnu ei olle mitte üttelnu. Ne tunnistaja omma: Wärdi Malleus, Isak Reiljan, Samul Thal, Jakob Zipp, Jürri Zibbu, Karl Sibbul ja Walda Soowa. "
Tunnistaja kaupmees Jaan Lüüs (Lutteri usko) astus kohto nink andse nidate tunnistust: "Sel õddakul kui wallawallitsust walliti olli minna Annemõisan. Kui minna kõrtsi sisse lätsi, sääl jaggati rahwale wiina, minna lätsi ka wiinajaggaja manno, sis üttel Samul Zimmer: "Jaan Lüüsile ärrä andke wiina, Jaan Lüüs om ka üts neidest 90nest walgelehmaga portjatest, tedda wissake kõrtsist wälja;" sis tõukas Samul Zimmer minno ja üttel: "Minne sinna ärrä wälja." Muud ei tija minna ennamb middake tunnistada."
Tunnistaja Peter Puk (Lutteri usko) astus kohto ette nink andse nidate tunnistust: "Minna lätsi Jaan Lüüsika ütten sel wallawallitsusse wallimisse õddakul Annemõisa kõrtsi, kui rahwale wiina jaggati, sis üttel Samul Zimmer: "Jaan Lüüs, sinna ollet ka üts neidest walge lehmaga portjatest, sinnole ei olle wiina waja anda."
Muud ei tija minna ennamb middake tunnistada."
Tunnistaja Jaan Hirse (Lutteri usko) astus kohto ette nink andse nidate tunnistust: "Minna ollisel wallawallitsusse wallimisse õddakul Annemõisa kõrtsin; sis hõikas Samul Zimmer: "Olge waik, teije walge lehma tallaja."
Muud ei tija minna ennamb tunnistada."
Tunnistaja Sahker Õllis (Lutteri usko) astus kohto ette nink andse tunnistust: "Minna olli sel wallawallitsusse wallimisse õddakul Annemõisa kõrtsin, sääl tulli Samul Zimmer taggatarrest wälja ja ütles: "Mes teije walge lehma säljan käuja kärrätsete, olge waik!" Selle päle kostis Peter Zimmer Samul Zimmerile: "Olle sinna waik, ärrä lorrise." Muud ei tija minna ennamb middake tunnistada."
Tunnistaja Peter Wunk (Lutteri usko) astus kohto ette nink andse nidate tunnistust: "Minna olli kül sel wallawallitsusse wallimisse õddakul Annemõisa kõrtsin; minna olli sel kõrral täwweste jobunu, minna ei mälleta middake mes sääl kõnneldi ehk tetti."
Sel 27. Märzil 1873.
Tunnistaja Walda Soowa astus kohto nink andse tunnistust: "Minna ei olle sel wallawallitsusse wallimisse õddakul middake halwa juttu kuuldnu, sel õddakul olli paljo rahwast ja kärrä küllält kõrtsin; minna es wõi kõrtsi rahwa kõnnet mitte kuulda, sest minnol olli kõrtsi kauba kambren lettilawwa taggan essiki paljo teggemist nink kõnnelemist küllalt.
Minna ei tija middake tunnistust anda."
Sel 18. Aprillil c.
Tunnistaja Jakob Zipp (Lutteri usko) astus kohto ette nink andse tunnistust: "Minna olli kül sel õddakul Annemõisa kõrtsin kui wastse wallawannemba liiku joodi. Minna es näe ja es kuule ka sääl ütte halwa juttu ei ka kärrätsemist, minna ei tija ka middake tunnistada."
Sel 20 Aprillil 1873.
Tunnistaja Karl Reiljan (Lutteri usko) andse tunnistust: "Sel õddakull, kui wallawallitsus olli ärrä wallitu, joodi Annemõisa kõrtsin wiina. Kui jo se wiinajoominne pea otsan olli, sis tulli kaupmees Jaan Lüüs Samul Zimmeri manno ja küssis hendale ka wiina, ent Samul Zimmer ütles Jaan Lüüsile: "Kui sinna wiina tahhat, sis osta essi hendale." Sis üttel Jaan Lüüs Samul Zimmerile: "Sõrata minnole ka wiina." Samul Zimmer kostis: "Egga minna sinnol üts lehm ehk kits ei olle, et minna sinnole sõõratama pea." Muud ei tija minna ennamb tunnistada."
Tunnistaja Isak Reiljan (Lutteri usko) tunnistas sõnna sõnnani nida sammute kui Karl Reiljan om tunnistanu.
Tunnistaja Jürri Zibbu (Lutteri usko) andse tunnistust: "Minna olli kül wallawallitsusse wallimisse õddakul Annemõisa kõrtsin, ent minna es näe nink es kuule sääl ütteki tülli ei ka sõimamist, nink ei tija ka ütteki tunnistust anda."
Tunnistaja Wärdi Malleus (Lutteri usko) andse tunnistust nida samma sõnna sõnnani kui Jürri Zibbu om tunnistanu.
Tunnistaja Juk Wallner (Lutteri usko) andse tunnistust nida sammute kui Jürri Zibbu ja Wärdi Malleus om andnu.
Tunnistaja Samul Thal (Lutteri usko) andse tunnistust nida sammute kui Jürri Zibbu, Wärdi Malleus ja Juk Wallner om andnu.
Tunnistaja Märt Oja (Lutteri usko) andse tunnistust: "Minna ei olle muud middake kuuldnu, kui Jaan Lüüs Annemõisa kõrtsi sisse astus ja küssis Samul Zimmeri käest: "Sõõrata minnole ka wiina;" sis üttel Samul Zimmer: "Egga minna sinnole lehm ei olle, et minna sinnole wõi sõõrata." Selle päle kostis Jaan Lüüs: "Kas minna sinnol walge lehmaga hooraja olle." Samul Zimmer üttel Jaan Lüüsile: "Kui sinna essi sedda ütlete, sis ehk ollet sinna ka selle töö teggija, minna sinnole sedda nimme kül ei anna."
Tunnistaja Karl Zibbul (Kreeka usko) andse nida sammute tunnistust kui Märt Oja om andnu."
Tunnistaja Tawit Kender (Lutteri usko) andse tunnistust: "Kui Jaan Lüüs Annemõisa kõrtsi sisse astus nink Samul Zimmeri käest hendale ka wiina küssis neide sõnnadega: "Sõõrata minnole ka wiina;" sis kostis Samul Zimmer Jaan Lüüsile: "Egga minna sinno lehm ei olle, et minna sõõrama pea." Muud ei tija minna ennamb middake tunnistada."
Otsus.
Selle roppu juttu perrast Annemõisa kõrtsin om kohhus mõistnu, et Samul Zimmer massab 1 Rubla ja Jaan Lüüs 1 Rubla trahwi waeste ladiku hääs.
Neile kohton käujatele omma ka ne L. T. S. §§ 772 ja 773 aastast 1860 ette loetu, mes tähhele tulleb panda kui surembat kohhut tahhawa käwwa.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
am 31. mai c. die Copiae Einem Kaisrl VII. Kirchspielsgerichte übersandt.
