Wanna Koiola koggokonna kohtun Wissen, sel 30nel mail 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Unteroffizier Karl Kahha tulli ette ja lubbas omma eddimatsest abbi ellost sündinu nelja latsele om(m)ast ja om(m)a kaddonu naise Katre warrandussest jaos ja nim(m)elt: 

1, Poig August saap hendale jaos essa tarre kiki kõrwmaiste honetega perran om(m)a essa surma; nink ka maa; ma arrimisse riista.

2, poig Josep saap jaos 1 rawwutet kast ja 1 pool petu kask ja 4 meest ham(m)et. -

3, tüttar Lisa saap jaos 1 rõiwa kirst, 3 naiste ham(m)et 3 meest ham(m)et, 2 willast ja 1 paklane undrek nink 2 rätti; 1 kanga peele. -

4, tüttar Juli saap jaos 4 naist ham(m)et , 2 willast ja 1 paklane nink 1 tsitzi undrek ja 2 rätti. 1 lehm wäärt arwat. 20 rbl. ja 1 tsigga wäärt 8 rbl. jääp ülle neide               nelja latse üttitses perrandusses perrast essa surma. -

5, Jääp katte tütre üttitses warrandusses: 5 pari kindit 2 pari sukke, 2 suurt naiste wööd 7 naela linnast ham(m)e ja 4 naela linnast käüse rõiwast, 5 suu-rätti 4      põllo, 3 külle allutse rõiwast ja 1 1/3 naela willast lilla wärwiga wärwitud langa. -

    1 wok jääp tütre Juli jaos ja 1 kanga sugga;  ham(m)ete kuddamisses. -  2 poom willa lõime sisse koetud jakki ja 1 kallewine pihtsärk jääp neide katte päle üttit-

    ses

6, Katte poja üttitses warrandusses jääp: 8 wilja kotti, 1 wan, 2 pari pange 1 tõrdo, 1 kuwwendik, 2 kirwest, 1 säng, ja 1 sögi laud. Nink kui peas wahhest Karel              Kahha ka tõise naisega latsi sama, sis saap eggaüts ütte wõrd jakko sest üttitsest warrandussest; mes katte paja ja katte tütre üttitses warrandusses om sanu      ülles kirjotedus. Tähhendus: Kui Karel Kahha warrandus peas surembas kassuma, kui siin om nüüd ülles kirjotedu, perran tem(m)a surma; sis ei olle tõise            latsil üttegi perandamisse õigust, sest warrast, mes neide nelja latse jaos om ülles kirjotedu; enge se päle kassunu warrandus jääp ütsinda tõise naise laste          jaos perrida. * )

    Sedda kinnitap, kui lubbaja om(m)a käega *) n. em(m)a woip tarren ella ja tsigga tullep arwat mahha. -

     risti tõmbamisse läbbi

                  Karel Kahha  XXX

             Kohtowan(n)emb, Mihkel Kurwitz

                      Kohtomees, Jaan Plak

                      Kohtomees, Michel Plakso  XXX

                             Kirjotaja, J. Käis