Wanna Koiola koggokonna kohtun Wissen, sel 13nel junil 1877

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Peter Polakes ja Johann Wannamb, kes kaddonu Peter Kahha wöörmöndre tulliwa ette ja nõudsewa tem(m)a poja Johani ja tütre Liso essa warrandussest wälja Anto Hurt käest; nida kui protokollin sel 3tal märzil 1858 aastal om ülles kirjotedu neide laste hääs; sis om(m)a rahho.

Ando Hurt wastutas:"Tütre Liso warrandus minna massa; ent poig Johann om koolnu; selle perrandus om puhhete päle ärra kullunu." 

Moistetu: Et koddonu Petre Kahh poig Johann, kes kui olles ellanu, olles Ando Hurt käest om(m)a essa maja taggasi perrandanu; ent et nüüd om ta koolnu; sis perrip tem(m)a sõssar Liis ka om(m)a welle warrandus, selleperrast, et Ando Hurt kätte maja perrandamisse õigus jääp. -

Otsus: Massap Ando Hurt sel 10tal nowembril s.a. Liis Kahha hääs tem(m)a om(m)a warrandus ja ka kaddonu welle Johani warrandus Liso kätte wälja; nida kui protokollin sel 3tal märzil 1858 a. om ülles kirjotedu; ent se wälja andmin(n)e peap Liso Kahha katte een pool nim(m)etedu wöörmöndre silma al sündima. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

              Kohtowan(n)emb, Michel Kurwitz  XXX

               Kohtomees, Jaan Plak  XXX

               Kohtomees, Michel Plakso  XXX

                         Kirjotaja, J. Käis