Wanna Koiola koggokonna kohtun Wissen, sel 13nel junil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Läsk Liis Sing tulli ette om(m)a eest saisja wöörmöndre Michel Tobrelutz´ka ja nõwwap hendale täüt aasta mona ja korteri läm(m)istamissega; nink kattele tüt-

rele sündimissen leppitut egga aasta palka, wiimselt weel ka om(m)a kaddonu mehhe Johani perrandusses maija om(m)ile latsile; sis kui tem(m)a kaddonu poja Michel Sing poig Samo sedda maija ei sa perrandata; om(m)a täwwe ea sissen; nida kui sädussen saisap; sis om rahho. -

Kaddonu Michel Sing´a naise Liso wöörmöndre Peter Sing Lisoga wastutas: Kui se kaddonu Michel Sing´a poig Samo, kes 3 kuud nüüd wanna, peas mitte sedda om(m)a essa maija perrandama, Krono sädust möda ja se maja õigus tem(m)a essa sõssaride ja soldatis anto lella kätte saap; sis peap sest majast täüs aasta palk kaddonu Michel Sing naise Liis hääs se masma, kui sedda maija perrip. -

Kui Liis Sing maja ülles ehhitap om(m)a kulluga; sis massap se maja eest tolle ajatse maja saisusse ja kohto takserimisse al hind wälja, kes perrast perrandajas om sanu, kui lats om ärra koolnu." -

Moistetu: Kui kaddonu Michel Sing poig, peas täüs ealisses sama; sis perrip om(m)a essa maja; ent enne mitte; ent nüüd jääp tem(m)a em(m)a wallitsus alla se maja; nink kui koles, sis jääp suremba kohto selletamisse alla.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.

                       Kohtowan(n)emb, Michel Kurwitz  XXX

                       Kohtomees, Jaan Plak  XXX

                       Kohtomees, Michel Plakso  XXX

                              Kirjotaja, J. Käis

Liis Sing I protokoll wälja sanu sel 14 junil s.a.