Wanna Koiola koggokonna kohtun Wissen, sel 13nel junil 1877.

Man olliwa kohtowan(n)emb assemel K. Tobrelutz

                    kohtomees, Jaan Plak

                    kohtomees, Michel Plakso

Rasinalt Peter Paapson kaibap, et Peter Ram(m)o leppinu tälle om(m)a poig Jaani 10 rbl. rahha, ütte mõdu linna seemnide mahha külwmisse ja pärahha mas-

misse nink kolin käümisse aja eest, tenistuste ütte aasta päle; ent ei olle om(m)a leppingut piddanu ja poig tõise perremehhe manno wälja andnu; nõwwap 

20 rbl. sis om rahho. -

Peter Ram(m)u wastutas: Minna kaupa tennu ei olle ja ei tija middagi." -

Moisekatzi wallast Peter Lorand and tunnistust: Peter Ram(m)u kaubal om(m)a poig Moisekatzi lade pääl üllewel nim(m)itet palga ette Peter Paapson tenistuste ja Peter Paapson and 1 rbl käe rahha, mes päle Peter Ram(m)u üttel: Se rahha wõtta min(n)a henda kätte ja ei anna mitte poja kätte; sis om meije kaup kindma;" nink selle man olli pois ja tem(m)a am(m)ak ka." -

Michel Jaanson Moisekatzi wallast and seddasam(m)a wisi tunnistust; kui Peter Lorandgi." -

Moistetu: Et katte tunnistaja läbbi wäega selgest om awwalikkus sanu, et Peter Ram(m)u om(m)a poig Jaan Peter Paapson manno teenma lepnu üllewel nim(m)i-

tedu palga ette

Otsus: Peap Peter Ram(m)o 20 rbl. sel 25tal märzil 1878 aastal Peter Paapson hääs kätte masma, selleperrast et om(m)a poiga teenma es anna nida kui om lep-

pit olnu. -

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu.

                   Kohtowan(n)emba assemel Karel Tobrelutz  XXX

                                        Kohtomees, Jaan Plak  XXX

                                        Kohtomees, Michel Plakso  XXX

                                                Kirjotaja, J. Käis

Peter Ram(m)a protokoll wälja sanu sel 16nel junil s.a.