Man olliwa kohtowan(n)emb, Michel Kurwitz  XXX

                       kohtomees, Jaan Plak  XXX

                 abbi kohtomees, Otto Hermitz

Koolmeistre Peter Hurt kaibap, et tem(m)a säädnu om(m)a krundi sissen sullasega teed ja Katre Kuus lönu tälle wõtmega põsse ja russikoga olla päle; nink trotsnu häbbemata wisil: Pää hora pälikus ja wargas nink weel mitmet muud wisi; nõwwap et kohhus tedda trahwis, 10 rbl. rahha masmissega maggasi ladikehe. 

Katre Kuus om(m)a eest saisja Peter Kurwitz´ka wastutas: Minna ei olle russikoga ei olla, ei ka wõtmega põsse päle tälle lönu; nink trotsnu min(n)a tedda ei olle." 

Michel Kurwitz and tunnistust:"Katre Kuus wõt roodja maast ja leije Peter Hurt hobbesele, kui ta täwwelt sisse and tälle ja lubbas ärra tappa; nink sõimas wargas ja mitmes muus häbbematta kombel; perrast lei sure aida wõtmega põsse ja russikoga tälle kaala soonte päle; mes min(n)a om(m)a silmaga essi naije." -

Jaan Matz om(m)a em(m)a Lisoga and ka sedda sam(m)a wisi tunnistust.!" -

Moistetu: Et Katre Kuus allati kui pää kiusaja om(m)a mehhe Ado Kuus´ga wasta koolmeistret Peter Hurt´a om olnu; mes sel koggokonna kohtul wäega tutwa assi om ja pälegi konnagi kohto keeldo ei kula; enge lorrap allati suust wälja ka kohto een , mes arwap; n. ei holi sest.

Otsus: Kui Katre Kuus koomeistret Peter Hurta rahhu ei jätta saap tem(m)a  maja jalla päält kohto läbbi mahha laotedus; ent selle katte tun(n)istaja wälja ütte-

lus perra istup tem(m)a 14 päiwa sissen 6 ööd päiwa om(m)a kullu pääl kohto sädus perra selle koggokonna kohtomaja türmin kinni. -

               Kohtowan(n)emb, Michel Kurwitz  XXX

               Kohtomees, Jaan Plak  XXX

       abbi kohtomees Otto Hermitz  XXX

                         Kirjotaja, J. Käis

Protokolli sisse winu Jaan Richen, sel 20 junil s.a.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu.