Wanna Koiola koggokonna kohtun Wissen, sel 13nel juni 1877.

Man olliwa kohtowan(n)emba assemel Karel Tobrelutz

                           kohtomees, Jaan Plak

                   abbi kohtomees, Otto Hermitz

Peter Kurwitz kaibap, et tem(m)a welli Jaan Kurwitz tem(m)a hää ristik hain ülles kündnu ja linna sisse tennu; nõwwap 10 rbl. sis om rahho. -

Jaan Kurwitz wastutas:"Selle perrast minna künni ülles, et sääl ristikhaina nõnno paljo es olle

Kohtomees Michel Plakso, kes ülle kaenu üttel, et se ristik hain piddi kassuma jäma, sest et õige häste olli nõnno nätta; nink olles ehk hää hain sanu." -

Moistetu: Et Jaan Kurwitz ilma kohto lubbata om(m)a welle ristik hain ülles kündnu ja linnas tennu 

Otsus: Jääp se linna Peter Kurwitz hääs täämbatsest päiwast kige seemnega ristik haina ette; ent et ilma lubbata sedda kurja Jaan om tennu; massap 1 rbl. selle walla waeste ladike hääs 14 päiwa sissen wälja trahwi. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                        Kohtowan(n)emba assemel Karel Tobrelutz  XXX                    

                                          Kohtomees, Jaan Plak  XXX

                             abbikohtomees, Otto Hermitz  XXX

                                  Kirjotaja, J. Käis

Jaan Kurwitz protokoll wälja sanu sel 20 junil s.a.