Wanna Koiola koggokonna kohtun Wissen, sel 13nel junil 1877.

Man olliwa kohtowan(n)emb, Michel Kurwitz

                    kohtomees, Karel Tobrelutz

                    kohtomees, Michel Plakso

Karel Lok kaibap, et tem(m)a andnu Jaan Richm kätte üttes aastas om(m)a maa pruuki, kige häste külwetu röa seemnega ja kattest lehmast tublist tettu sittaga; nink piddi aasta perrast nipaljo külwetut ja kõrda pitte sittatedu rükka jälle katte lehma tubli sittaga taggasi andma; ent tem(m)a olla röa maa wasta sädust enne weel tõwwus ja perrast ilma sittata ilda röa harwa seemnega sisse külwnu; nink minnewa aastane röa kui ka se sitt, mes piddi perra jätma, kiik om(m)a ostetu maije päle puhhas weddanu; nõwwap rükki narmisse ja om(m)a sitta eest ülle kige kokko 40 rbl. sis om rahho. -

Jaan Richm wastutas:"Sitta olle widdanu; ni paljo kui olli röa maale, ja sitta olle tälle ka perra jätnu sel kewwajal; ent mes ülle om(m)est ollist saije tettus; weije om(m)a maa päle."

Karel Lok wastutas:"Jaan Richm woise om(m)a olle müwwa, kui neid piddi ollema ja mitte minno sittaga ütte tsurkma; kui ka se peas õige ollema."

Jakob Wreimann and tunnistust: Sitta surust minna ei tija; ent minnewa süggüse ja sel kewwajal widdi Jaan Richm, sitta om(m)e ostetuide maije päle ja röa teggi tem(m)a ka halwaste mes parhella weel nätta." -

Johann Porrila Kiomast and tun(n)istust: Karel Lok olli kül en(n)ämb sitta häste Jaani Richm hääs kätte jätnu; ent nipaljo täl Kaarli hääs es olle mitte jättetu, minno silma näggemisse perra." - 

Ann Jauhken Kiomast and tunnistust Jaan Richm weije koorma pikki õlgi Wõõpsuhe; ent kui taggasi tulli olliwa haina pääl, nink neid olgi, mes ta Hainjärwele olla winu; ei olle min(n)a om(m)a silmaga nännu; ent minno tütrele olla Jaan Richm´a tüttar üttelnu; et minno tüttar mulle sedda õlle wimist es pea mitte tijo perrast teggema, mes Jaan Richm Hainjärwele olla winu; siski tüttar üttel mulle sedda".

Moistetu: Et Jaan Richmal üttegi sitta widdamisse õigust es olle om(m)a ostetuide maije päle, mes piddi kiik Karel Lok hääs jätma ja pälegi röa, mes külwnu om ärra narnu. - tunnistusse perra. -

Otsus: Massap Jaan Richm 20 rbl Karel Lokk hääs 14 päiwa sissen röa narmisse ja sitta kahjus wälja. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                         Kohtowan(n)emb, Michel Kurwitz  XXX

                           Kohtomees, Karel Tobrelutz  XXX

                           Kohtomees, Michel Plakso  XXX

                                     Kirjotaja, J. Käis

Jaan Richm protokoll wälja sanu, sel 20nel junil s.a.