Kärnajürri tallo ostja Tohwer Anzow kaibas siin kohto een sel 30. Mail c. et se wanna perremees Hindrik Räestik pikki õlgi, hainu ja agganit Kärnajürri tallost wõlja om weenu.

Tohwer Anzow andse tunnistajid ülles: Peter Härm ja temma naine Lisa. 

Sel 13. Junil c.

Tunnistaja Peter Härm (Lutteri usko) astus kohto ette nink andse nidate tunnistust: "Üttel õddakul ilda tulli minna tõisest tallost koddo ja näggi kui Peter Treumuth pikki õlgi koormate pandse nink Hindrik Räestik neid õlgi Peter Treumuthile kätte andse; sedda minna es näe, kohhe Peter Treumuth selle õllekoormaga läts. Minno silma-näggemisse perra olli neid pikki õlgi 20 punda.  Mõnne päiwa perrast ütles minno naine minnole: "Kas tijate ka, et Hindrik Räestik on hainu, õlgi ja agganit Tarsilla hainaküüni weddanu."

Minna lätsi tõisel päiwal Tarsilla hainaküüni manno ja lõidse tõtte ollewat, mes minno naine minnole olli üttelnu; sääl künin olli 3 kotti täus agganit, ütte koorma ossa hainu ja ka pikki õlgi, arwata 15-17 punda. Neide õlgi päle olliwa haina pantu.

Hindrik Räestik lubbasi minnole lamba hainu anda, ent wimate es anna neid lubbatu hainu mitte minnole, nink kui minna lõidse, et Hindrik Räestik Tarsilla hainaküüni pikki õlgi agganid nink hainu olli weenu, ja temma minnoga sugguki rahhule es olle, andse minna selleperrast Hindrik Räestiku pikka õlle, agganite ja haina ärrä-weddamist Kärnajürri tallost ülles."

Sel 26. Junil c.

Tunnistaja Lisa Härm, Petre naine (Lutteri usko) astus kohto ette nink andse nidate tunnistust: "Üttel õddakul, kui rahwas jo maggama lätsiwa, sis lätsi minna weel tarrest wälja ja näggi kui Lillo Peter Treumuth pikki õlgi ree päle koormate pandse nink H. Räestik neid õlgi P. Treumuthile kätte andse. Kui koorma kinni köudetus sai, sis nakkas Peter Treumuth Lillo tallo pole ülle aijaplatsi minnema. Tõine kõrd näggi minna kui H. Räestik omma poja Andrusega 3 kotti agganit nink pikki õlgi, arwata 17 punda koorma päle panniwa ja ussaijast wälja Tarsilla hainaküüni pole lätsiwa. Tõisel päiwal hommukul lätsi minna jälgi perra Tarsilla hainaküüni manno ja lõidse sääl künin 3 kotti agganit, 15 ehk 17 punda pikki õlgi ja ütte koorma-ossa hainu. 

Muud ei tija minna middake ennamb tunnistada. 

Sel 13. Junil c.

Peter Treumuth astus kohto ette nink temmale om se Tohwre Anzowi kaibus ja neide tunnistajade tunnistus ette loetu, sellepäle kostis Peter Treumuth: "Minna ei olle kunnagi pikki õlgi Kärnajürri Hindrik Räestiku käest omma maja toonu, se om wõls tunnistus minno päle."

Kärnajürri Hindrik Räestiku tallo honete ja kattuste saisus om Tohwre Anzowi kaibusse päle sel 22. Mail c. ülle kaetu nink ülles wõetu. Ülleswõtmisse man ommawa olnu: Wallawannemb Johann Zimmer, Päkohtomees Märt Lüüs, Kohtomees Sahkri Pik ja Ado Puusep. 

Selle ülleswõtmisse perra om olnu:

1. Tarrel ja põhtjal üts kattusse külg halw, 10 sülda pik, 3 sülda 1 jalg kõrge. teep	31 3/4 ruut sülda
2. Aida kattus, mõllemba külle halwa, 4 sülda pik, 2 sülda 1 jalg kõrge, teeb	18 2/3 ruut sülda
3. Üts kammer, halwa kattusse perrast ärrä mäddanu, teep	6 ruut sülda
Üttekokko	56 1/2 ruut sülda

Otsus.

Koggokonna kohhus om selle maja honete saisusse üllekaemisse Protokolli perra lõidnu Kärnajürri Hindrik Räestiku maja kattusse halwa nink kõlbamata 56 1/2 ruut sülda, egga ruut süld wastset õllekattust tullep 1 Rubla masma, ent kunna kik kattusse ei wõi wastse olla, kui maja ärräandminne tulleb ütte tõise perremehhe kätte, om se koggokonna kohhus arwanu ennegi pole wastse kattusse hinda 50 Kop. ütte ruut sülla eest. 

Selle perra om

56 1/2 ruut sülda halwa kattust, se teeb 'a 50 Cop.	28 Rbl.	25 Cop.
1 kodda ja sann, halwa kattusse perrast ärrä mäddanu	30
3 wakkamaad röakõrt ülles kündmata, teep	4	50
2  "  "  tõuwo maad äestamata
2 kaswu saarepuud, üts 8 tolli ja tõine 3 tolli paks, ja weel 2 noort saarepuud, üttekokko	6
35 punda õlgi, mes Hindrik Räestik om ärrä weenu	3	50
3 kotti agganit		90
Om H. Räestiku eestminneki rahhast mahha arwata	73 Rbl.	15 Cop.
Hindrik Räestikul om saada:
Wimatse aasta rent ja protsenti	162 Rbl.	80 Kop.
Maja raud hengede eest	1	75
Üttekokko	164 Rbl.	55 Kop.
Hindrik Räestiku eestminneki rahhast om üllewan nimmitedu Summa mahha arwata	73	15
Peab T. Anzow H. Räestikule wälja masma	91 Rbl.	40 Kop.

Neile kohton käujatele omma ka ne L. T. S. §§ 772, 773 aastast 1860 ette loetu, mes tähhele tullep panda kui surembat kohhut tahhawa käwwa. 

Hindrik Räestik ja ka Tohwer Anzow ei olle selle kohto-mõistmissega rahhule, enge tahhawa surembat kohhut käwwa, nink om neile mõllembile (ka) ne sädusse perra Appellation-tähhe wälja antu sel 27. Junil 1873. 

Päkohtomees Märt Lüüs XXX

Kohtomees Jaan Reiljan XXX

  "  Sahkri PIk XXX

  "  Ado Puusep XXX

  "  Karl Wallner XXX

am 13. Juli c. die Copiae Einem Kaisrl. VII. Kirchspielsgerichte ausgesandt.