Ette tulli Pindi mõisa walitsuse asemel walitseja Brükkel nink tõst selle samma mõisa ma piddaja Peter Kaiwo päle kaibust, et se ollewat mõisa mõtsast ütte peddaja 10 1/2 tolli kannu päält kige ladwaga ärra warrastanu, kelle ülle mõtsa waht Mango Mina tunnistada woiwat, nink nõwwap selle eest 2 Rbl. 30 kop. kahjo tassomist.

Peter Kaiw saije selle kaibuse päle ette kutsutus and ülles, et tema kül mitte terwet peddajat warrastanu ei ollewat, enge ütte kannu arwata 3 sülda pik.

Mõtsa waht Mango Mina and selle päle tunnistust, et peddajas just ladwaga olnu ollewat, nink jobba kuiw.

Selle päle es ütle kohtun käuja ennamb middagi ütlemist ollewat, sis

Mõisteti

et Ado Kaiw peap selle warrastedu kuiwa peddaja eest omma tunnistuse perra 2 rubl. 30 kop. kahjo tassomist ja 70 kop. trahwi warrastamise eest 4 näddali sissen a dato sellest kohtu otsuse kindmas jämisest mõisa walitsusele ärra masma.

Se kohtu otsus saije kohtun käujile tall. rahwa säduse ramatust 1860 aast. §§ 773, 774 perra ärra selletedus nink § 881 perra opus leht wälja antus.

Päkohtomees Jaan Käo XXX

kohtumees   Andre Saar XXX

abi      "         Johann Majas XXX

Kirjotj: J.Kirrop