Otsus. (Protokolli No 25 sel 13. März c. ja No 45 sel 3. Mail c.)

Samul Zimmeril nida sammute ka Jaan Lüüsil ei olle ennamb üttegi tunnistajat ülles anda, om se kohhus mõistnu: Jaan Lüüsi omma tunnistusse perra, et temmal ütskõrd Samul Zimmerile 24 Rubla wõlgo om olnu nink wõllamassmisse man ütteki tunnistajat es olle, enge se 7 Rubla, mes Hinni Peter Hinn Samul Zimmerile Jaan Lüüsi wõlla päle om masnu, om sellest 24 Rbl. mahha arwata, jääb J. Lüüsil 17 Rbl. Samul Zimmerile weel massa.

Se kohto mõistminne om neile kohton käujatele ette loetu nink ka ne L. T. S. §§ 772 ja 773 aastast 1860 ette kulutedu, mes tähhele tulleb panda kui surembat kohhut tahhawa käwwä. 

Jaan Lüüs nink ka Samul Zimmer ei olle selle kohtomõistmissega rahhule, enge tahhawa surembat kohhut käwwa. Jaan Lüüsile om sel 16. Julil nink Samul Zimmerile sel 17. Julil se sädusse perra Appellation-täht wälja antu. 

Päkohtomees Märt Lüüs XXX

Kohtomees Jaan Reiljan XXX

  "  Sahkri PIk XXX

  "  Ado Puusep XXX

  "  Karl Wallner XXX

No 26, 45, 60

am 9. August c. die Copiae Einem Kaisrl. VII Dorp. Kirchspielsgrichte übersandt