Pindi mõisa walitsus and omma kirjaga sest 28 Detsembrist 1876 selle kogokonna kohtu een ülles, sedda lepingo kirja, mes Willem Karna ja Hindrik Härmann Semmo tallo tassomise raha ülle tennu ollewat, perra kullelda nink läbbi otsi, kas sesamma õiguse põhja pääl nida tõtte om, ehk omma selle lepingo alla kirjotedu käekirja wõlsi, nida kui Hindrik Härmann sedda tunnistawat.

Willem Karna saije mõisa walitsuse nõudmise perra selle lepingoga ette kutsutus, and ülles, et temma ja Hindrik Härmann sedda eensaiswat lepingo kirja Semmo tallo tassomise raha perrast tolle asatse mõisa walitseja Karl Zietemann man tennu ollewat, nink mõllemba hääs kitnu ja omma nimme otsa kolm risti tennu, nida kui se ka lepingo pääl mõisa walitsuse poolest tunnistedus saap.

Hindrik Härmann aste selle päle ette nink andse ülles, et temma sellest lepingo kirjast middagi ei teedwat, ei ka omma nime otsa mitte kolme risti tõmmanu ollewat, enge tunnistas sedda asja kogonist wõlsis ja ilma temma teedmata nink man ollemata tett ollewat.

Kogokonna kohus arwas hääs weel sedda Semmo tallo kontrahti sel 21 Jnauaril ette kutsu, kui ka Willem Karma ja Hindrik Härmann.

Päkohtumees Jaan Käo XXX

kohtumees Andre Saar XXX

abi   "          Johann Majas XXX

Kirjotj.: J.Kirrop