Ette tulli Peter Ollesk nink tõst Pindi mõisa mõtsa wahi Michel Pallo päle kaibust, et se ollewat temma röa nurme ommil zeol ärra lasknu sõkku ja zungi pälegi ka hobbene pääl sönu, kelle selle eest pandistanu, ja kui temma sedda hobbest ärra tulnu toma, sis lubbanu weel Michel Pallo tedda nuija lüwwa, nink nõwwap selle röa rikmise eest Pallole kohtu polest kulutada, et temma eddespäide mitte omma ellajid röa päle ennamb ei lasse, ei ka pandistamise man ei lö ehk tüllutsele.

Michel Pallo ette kutsutus salgas kogonist ärra ommil ellajil Olleski rüa pääl ollewat, ei ollewat ka mitte tedda löwwa ähwardanu, enge Ollesk ollewat tedda lüwwa ähwardanu.

Peter Ollesk es ütle keddagi muud tunnistajat ollewat kui omma welli naine.

Selle päle es ütle kohtun käuja ennamb middagi ütlemist ollewat, sis

Mõisteti

et Peter Olleskil selle ähwardamise ülle ütteke tunistust es olle, sis es olle asja ülle middagi trahwi mõista, enge saiwa kangeste nomitus, eddespäide parrembide ellada.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus, nink § 881 perra opus leht wälja antus.

Päkohtumees Jaan Käo XXX

kohtumees Andre Saar XXX

abi   "          Johann Majas XXX

Kirjotj.: J.Kirrop