Andrus Mõttus kaibas et temmal om aijast 81 kaali warrastedu.

Tunnistaja Peter Andreij. 

Tunnistaja Peter Andreij andse nidate tunnistust: "Juk Akkermann andse minnole ütte kaali nink pandse tõise kaali kotti ja puistas nappe päle."

Juk Akkermann astus kohto ette ja andse kostust: "Minna ei tija kaali-wargussest mitte middake, minna olli sel õddakul Sikka tallon hobbest weeman. Selle aja sissen om Peter Andreij minno welle man käunu ja om minno wellele üttelnu: "lähhame kaale wargile;" minno welli om üttelnu: "Meil on rehhi sel ööl pessa."

Jaan Tedder andse tunnistust: "Minna olli kül Juk Akkermanniga Sikka tallon koon, ent säält läts Juk pea ärrä koddo. Juk Akkermann kutsus minno kül ütten, ent temma es ütle kohhes temma tahtse minna. Muud ei tija minna middake ennamb tunnistada."

Juk Akkermann salgas ärrä et temma Jaan Tedder om ütten kutsnu, nink kui Jaan Tedder kohto ette astus ja Juk neid sõnnu kuuldse, et temma Jaani om kutsnu, sis ütles Juk kül õige ollewat, et temma Jaani om kutsnu; ent pea perran sedda salgas Juk omma sõnna siin kohto een ärrä.

Juk Akkermann lubbas Andrus Mõttusele 3 Rbl. massa, ja tunnistas ärrä et Peter Andreij om ka kaali-wargusse seltsin olnu, nink wimate tunnistas Juk, et Jaan Tedder ka ütten neid kaale om warrastanu. 

Jaan Tedder salgab ärrä, et temma Juk Akkermanniga om ütten käunu.

Otsus.

Egga üts neidest massab kaalide eest 2 Rubla, üttekokko 6 Rbl. ja waeste ladiku hääs 6 Rbl., üttekokko 18 Rubla. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX