Wallawallitsus om kohto ette kutsnu neid nekrute kumma minnewa Januaril Loositu omma nink sel 22. Januaril ja 12. Februaril 1873 Tartu nekruti kommisjoni een omma olnu nink mõnnesugguste wiggade perrast, nida kui jallaküllen haawa, ommawa ärrä põlletu. 

Nekrut No 13. I klassist, Johann Pill, temma perra saatse wallawannemb J. Zimmer kohtomehhe Sahkri Pik ja wöörmündre Jaan Anzow. Johann Pill om tõiste tarre lännu ja saapa jalga tõmmanu nink tulli neideka ütten kohtomaja manno. Kui wallawannemb ja kohtomehhe käsksewa temmal saapid jallast ärrä tõmmata, sis kostse Johann Pill, et temma jalla ommawa terwe. Wimate tõmmas Johann Pill saapa jallast ärrä, nink se wanna haab temma jalla küllen, mesperrast temma Tartu nekruti kommisjonist ärrä põlletus sai, olli koggonist terwes sano, ent hää jalla suure warba sisse olli ütte terrawa riistaka üts wäikene mulk sisse lõikatu, nink siin kohto een olli weel selle hawa sissen werri nätta. 

No 1. I klassi nekrut Johann Iwask om siin kohto een ülle kaetu nink lõiti temma jalla haab terwe ollewat.