Ette tulli Wannast Kasseritzast Jaan Kappul nink tõst siin ollewa Johann Himma päle kaibust, et temma ollewat sellele jobba mõnne aasta eest 6 rubl. raha lainanu, nink nüüd mitte ärra ei maswat, ja pallel Johann Himmat sundi, et temma omma wõlg nüüd ärra tassos.

Johann Himma saije selle kaibuse päle ette kutsutus and wastust, et temma kül Jaan Kappul käest 6 rubl. lainanu ollewat, ent mes temma ka jobba ärra tassunu ollewat; nimelt andnu ütte rawwatedu ree wärt 5 rubl. ja ütte tõrdo 1 rubl.

Jaan Kappol es ütle märastki rege sanu ollewat ei ka tõrdut, nink pallel Himmal selle ülle tunnistust anda. Pälegi om weel Himma wõlla kwitung weel temma käen mes sedda ärra masmist kogonist wõlsis tunnistap.

Johann Himma es ütle selle ärra masmise ütteke tunnistust ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et Johann Himma selle wõlla ärra masmise perrast ütteke tunnistust es sa ette tuwwa, ja pälegi weel temma wõlla kwitung Jaan Kappul käen saisap, sis om sellest nätta, et ka se wõlg weel masmata om, nink peap nüüd se 6 rubl. wõlga sel 1 Septembril Jaan Kappulale sellest kohtu otsuse kindmas jämisest ärra masma.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Hindrik Kakku XXX

kohtumees Andre Saar XXX

       "            Peter Luksep XXX

Kirjotj.: J.Kirrop