Wanna Koiola koggokonna kohtun Wissen, sel 11nel julil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Johann Treial Perri wallast ja Katre Sassi om(m)a mehhe eestsaismisen Parzi wallast kaibawa, et Jaan Jännes, Hans Richm, Jaan Sik ja Jaan Metz 2 1/2 aastat taggasi Josu kõrtsi mant alla pole Wanna Koiola pole sõiten, näile takkast kolme hobbesega päle ajanuwa; kon mõllemba kangest haiget sanu; Johann Treial nõwwap 10 rbl. ja Katre Sassi 20 rbl. om(m)a terwise kahjus; sis om(m)a mõllemba rahho. -

Jaan Jännes wastutas:"Minna ei olle kellegi päle ajanu." -

Hans Richm wastutas:"Se es wõi kuigi wisi wõimalik olla, et näile olles päle ajetus sanu." -

Jaan Sik wastutas:"Minna olli perra pääl ja sälg olli mul hobbeste pole kääntu; nink päle ajamissest ei tija min(n)a middagi." -

Jaan Mets wastutas:"Minna ei tija sest mitte middagi ja ees es olle üttegi innemist Josu poolt tullen." -

Moistetu: Et üttegi tunnistust ei olle sest - et ne kaibaja olles jalgo alla sanu ajetus; nink ei olle ka üttegi to kõrd ülle kaemissen tohtre tunnistust sekõrd ette näitada; et haiget olles sanu. -

Otsus: Saap siist poolt koggonist se kaibus tühjas tettus; selleperrast, et kige wähhembat tunnistust ei olle. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                       Kohtowan(n)emb, Michel Kurwitz  XXX

                       Kohtomees, Jaan Plak  XXX

                       Kohtomees, Karel Tobrelutz  XXX

                              Kirjotaja, J. Käis