Wanna Koiola koggokonna kohtun Wissen, sel 25tal julil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Kare Tobrelutz

Johann Haidak kaibap, et tem(m)a külwanu om(m)a wanna krundi perra sitta maa päle 7 mõto karo; ent kihhelkonna kohtust ei olla tälle lubba kassida antu; enge Peter Sing´ale; sis nõwwap om(m)a kara külwi ja maa arrimist Peter Sing käest kätte sada; sis om rahho. -

Peter Sing wastutas:"Minna ei olle kellegi muide maa päle wasta Balti maa mõõtmisse kom(m)issioni herra Krügeri kässü wasta külwnu ja es kässe tem(m)al ka minno wastse krundi päle külwa nink kassi minna ei woi, enne kui Kreis kohhus meile otsus es olle kulutanu; mulle ei puttu se kige wähhemb middagi; - nink nõwwa om(m)a ma kahjo." -

Moistetu: Et se maa assi jo kihhelkonna ja Kreiskohtust om läbbi lännu ja perramenne and otsus, et egga üts peap om(m)a krunt wastse piride perra piddama ja mitte tõise kronti pruukma

Otsus: Ei sa kaibaja middagi.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                     Kohtowan(n)emb, Michel Kurwitz  XXX

                     Kohtomees, Jaan Plak  XXX

                     Kohtomees, Karel Tobrelutz XXX

                                     Kirjotaja, J. Käis

Peter Sing protokoll wälja sanu, sel 30 julil s.a.