Wanna Koiola koggokonna kohtun Wissen, sel 25tal julil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Jaan Hindrekson kaibap, et Eoste külla Plakki otsa perremehhe om(m)e ellajidega minnewa aasta tem(m)a äddala hain ärra söötnu, sis enne kui tem(m)a 10tal oktobril om teggema lännu; nõwwap 40 rbl. sis om rahho. -

Peter Plado Pebu poig wastutas:"Minnole  ei puttu se assi middagi; enge se om karjusse assi, kedda minna olle palganu ja om(m)a krondi päle käsknu karjaga käwwa." -

Kusiko Peter Plado wastutas:"Ka sedda sam(m)a wisi kui Peter Plado Pebu poig."  -

Jaan Hindrekson wastutas perrast."Mul ei olle muide päle kaibust, kui neide katte päle." -

Moistetu: Et üttegi ellajat Jaan Hindrekson neide katte perremehhe karjast ei olle om(m)a nido päält kinni wõtnu ja tunnistust ei olle ka, et ne tem(m)a illanda äddala hain olles söötnu.

Otsus: Saap kaibus siist poolt koggoniste tühjas arwatus.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                             Kohtowan(n)emb, Michel Kurwitz  XXX

                             Kohtomees, Jaan Plak  XXX

                             Kohtomees, Michel Plakso  XXX

                                      Kirjotaja, J. Käis