Ette tulliwa Hanni Pabu tallo perrisses ostja Karl ja Johann Rüster, nink neide iholik esa Mango Rüster, ja anniwa ülles et nemma omma üttist esast perrandada warrandust omme iholike sõssardega ärra tahtwa selletada, kelle eest neide sõssarde esa Mango Rüster, kes weel alealitse omma, kui nimelt: Julie ja Ann Rüster nink Mina Rüster kui neide iholik wöörmundre selle kogokonna kohtu ees saise:

Ette tulnu lepja kõnneliwa henda keske kokko, nink ühendiwa omma lepingut seddawisi, et neil kolmel iholikul sõssarel ütteke maja ma kui ka raudwarranduse perrandamise õigust ei pea ollema, kui nemma sawa ennegi puhta rahaga tassotus Karl ja Johann Rüsteri poolt kui nimelt:

1. sõssar Julie saap 100 rubla ja üts lehm

2.   "       Ann saap 100 rubla ja üts lehm

3.   "       Mina saap 100 rubla ja üts lehm

          -----------------------------------

                  Summa 300 rubla    3 lehma

nink se een nimitedu 300 rubla tõwotawa Karl ja Johann Rüster ommile sõsarile kuwwe aasta seen ärra massa ja nimelt egga aasta 50 rubl. hõbb. se om kumbgi welli 25 rubl. aasta kottalt, ent ne lehma peawa nema sõssarde mehele minneki man kätte andma, kelle tenistusen selkõrral sõssar johtup ollema.

Eensaiswa leping saije lepjile kohtu man ette loetus, kellega kik rahul tunnistiwa ollewat, nink egga üts omma käega alla kirjotawa mes kohtu polest selle kinnitamise man tunnistedas.

Lepja:

Karl Rüster XXX

Johann Rüster XXX

iholik wöörmundre Mango Rüster XXX

Päkohtumees Hindrik Kakku XXX

kohtumees Andre Saar XXX

abi   "           Jürri Samarütel XXX

Kirjotj.: J. Kirrop