Wana Koiola koggokonna kohtun Wissen, sel 8tal augustil 1877.

Man olliwa kohtowan(n)emb, Michel Kurwitz

                    kohtomees, Karel Tobrelutz

              abbi kohtomees, Otto Hermitz

Josep Kadde kaibap, et tem(m)a kündnu wanna krundi perra Peep Tobre wastse krundi sisse 7 wakka alla maad; nõwwap 7 rbl. sis om rahho. -

Peep Tobre wastutas:"Tem(m)a külwnu minno katte wakka maa arritud sõõrdo hendale, kelle ülle tem(m)a ka minno käest lubba es küssi ja maad arri minna om(m)a wastse krundi sisse täl es kässe." -

Josep Kadde wastutas:"Kihhelkonna kohto käest lubba läbbi lubbas wallawallitsus sõõrd mul ärra tetta." -

Peep Tobre wastutas:"Kui wallawallitsus lubba and, sis piddi mulle ka teedminne sest sama." 

Mõistetu: Et mõllemba wastastikko wasta sädus maad omma pruuknu ilma kogg. kohto käest lubba küssimata; konna kiik kohto sedda om(m)a keelnu." -

Otsus: Saap mõllembide poolt kaibus tühjas arwatus

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                 Kohtowan(n)emb, Michel Kurwitz  XXX

                 Kohtomees, Karel Tobrelutz  XXX

        abbi kohtomees, Otto Hermitz  XXX

                        Kirjotaja, J. Käis

Josep Kadde protokoll wälja sanu sel 13nel august.