Johann Plado tulli ette nink tõst wanna wallawannemba Peter Kakku päle kaibust, et se ollewat temma käest walla tarwituse päle 2 palki lainanu, nink seni ajani weel mitte ärra tassonu, ja pallel nüüd omme palke kätte sada; nimelt olnu neide palke weddaja Jaan Plado ja Peter Kämbre.

Peter Kakku saije selle päle ette kutsutus nink küssitus, es ütle sellest middagi ennamb melen ollewat, kui ennegi et tolkõrral kül paljugi palki lainatus sanu, ja pallel neid palgi wijit küssida, kes sedda tunnistada woiwat.

Peter Kämbre and ülles et temma kül ütte palgi arwata 12 tolli jämme Johann Plado usaijast walla walitsuse kässo päle wõtnu ollewat, kelle weel tõine tolle ajane sullane Peep Sawwi Paidra weskiwwi manno wenu ollewat.

Jaan Plado ütel ka kül ütte palgi walla tarwituste päle Johann Plado käest walla walitsuse kässo päle lainanu ollewat, ent temma esi es olle mitte selle palgi wõtmise man olnu, enge tolle ajatse sullase, mes nüüd ei mälleta, enne kui perra saap nõudma.

Et Jaan Plado esi selle palgi wõtmise man es olle olnu, sis es woi weel selle asja ülle ütteke mõistmist tetta, ja Jaan Plado peap sel 20 Mail se sullane perra kullema nink kogokonna kohtu ette toma.

Päkohtumees Hindrik Kakku XXX

kohtumees Andre Saar XXX

        "           Peter Luksep XXX

abi     " Jürri Samarütli XXX

Kirjotj.: J.Kirrop