Wanna Koiola koggokonna kohtun Wissen, sel 22sel augustil 1877.

Man olliwa kohtowan(n)emb, Michel Kurwitz

                    kohtomees, Karel Tobrelutz

                    kohtomees, Michel Plakso

Peter Plak kaibap, et tem(m)a andnu Johann Pielbaumile 5 rbl. käe rahhas ütte kappi teggemisse ette mes piddi masma 15 rbl. ent ei olle tennü ja rahha ka taggasi masnu; nõwwap om(m)a käe rahha kige oddawambalt arwt doppelt taggasi; sis om rahho. -

Tischler Joh. Pielbaum wastutas: Tem(m)a telse hennele üts säng; mes es wõtta ja kap, mes 20 rbl. wäärt olli tälle ka kallis; selleperrast saije säng panti pantus 3 nädd. päle Michel Härms kätte.

Peter Plak wastutas:"Tem(m)a ei olle mulle teedmist om(m)a sängu teggemisse ei ka hinna polest kige wähhemb andnu ja sängu minna ei olle telnu

Hans Ollesk Tim(m)o wallast and tun(n)istust:"Peter Plak and 5 rbl. Tim(m)o moisa treppi pääl Johan(n) Pielbaum kätte kappi ette, mes lappa lawwost piddi teggema ja lawwa selle tarbis Poidra weski päält toma. Perrast üttel Johan(n) Pielbaum: Minna sa ilma tõtu rahha; ent muu ei sa om(m)a tögi eest, en(n)ämb ei tija üttelda." -

Jaan Lutzuweer Tim(m)ost and tun(n)istust: Selle asja perrast olle minna herra von Sievers kätte Räppinal tunnistus ärra andnu ja se saisap Kihhelkonna Kohto protokollin üllewan." -

Moistetu: Et se awwalik, et Joh. Pielbaum 5 rbl käe rahha ette Peter Plakki käest om wõtnu ja om(m)a leppingut ka ei olle täütnu. -

Otsus: Peap Johann Pielbaum 5 rbl. 14 päiwa sissen Peter Plak hääs ärra masma.

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu.

                   Kohtowan(n)emb, Michel Kurwitz  XXX

                   Kohtomees, Karel Tobrelutz  XXX

                   Kohtomees, Michel Plakso  

                             Kirjotaja J. Käis