Wastselina mõtsa walitsuse asemnik Waldtmann kaibas Orrawa walla inemise Peter Hak pääle, et se oim 10 haawa latti, mes 3 tolli jämme ja 18 jalga pikka, mõisa mõtsast ära ragonu, nõwwap selle eest 60 cop. kahjo tasomist.

Peter Hak ütel ne haawa latti umast mõtsast ragonu olewat, ja mitte mõisa mõtsast.

Wannutedu mõtsa waht Peter Puusep ütel ne haawa latti mõisa mõtsast raotu olewat, ja Hakki käest ka kätte saanu.

Mõisteti

et Peter Hak peap riigi walituse poolest kinnitedu taksi perra selle 10 haawa latti eest 33 Cop. kahjo tasomist mõtsa walitsuse hääs 14 päiwa sissen a dato ära masma.

Se kohtu otsus saije kohtun käujile kuulutedus.

päkohtumees

kohtumees

       "

Kirjotj.: J.Kirrop