Losi mõisawalitsus and üles, et tema om kunna kõrtsi man kolme tundmata mehe käest 2 hobbest wangerde ja hobeste riistuga ära wõtnu, mes arwata warrastedu, pallep seda asja kohtu selletamise ala wõtta ja süüdlastega sääduse perra tallitada.
1. Saije ette kutsutus wenelane Matwei Demengowitsch, kes henda Pihkwa kreisist ja Panikawitsa wolostist ütlep olewat ja and wastust, et ne mõllemba hobese omma sel 1 Octobril Tartu ladult ostetu, ja mitte warrastedu, nimelt tema Demenzow om selle walsjas werewa ruuna 35 Rbl. ja Jaan Mark Wastselina wallast om selle raudjas mära 45 Rbl. eest ostnu, ja säält omma, nema ka ne hobbeste riista ostnu. Tema Demenzow ja Jaan Mark omma poolpäiwa sel 29 Septembril lõuna aigo selle Gustaw Jallajaga, kellel hobene ja ne wankri olnu, kottost ära sõitnu, Põlwa kõrtsi man söötnu, ja sis püha päiwa pääle lõuna Tartu liina jõudnu.
2. Gustaw Jallai, kes henda Pihkwa kreisist ja Panikowitsa wolistist ütlep olewat, and wasust, et Demenzow ja Mark omma kül ne 2 hobbest Tartu ladalt ostnu, edimane masnu omast 35 Rbl. ja tõine 45 Rbl. ent neist hobeste riistust es ütle tema midagi teedwat. Tema Jallai om uma hobese Tartun 10 rubla eest ära müünu ja sellest rahast 9 rubla Demenzowile hobese osta lainanu. Nema kõik kolm sõitnu ütte wankriga ja omma püha päiwa sel 30 Septembril hommongo warra kottust ära sõitnu üle Pindi Paidra weskiwi, Põlwa kõrtsi man söötnu ja püha päiwa õdangus Tartu liina jõudnu.
Se hobene kellega nema sõitnu omma olnu temal ent wankri Markil.
3. Jaan Mark Wastselina wallast and wastust, et ne kats hobest, kelle hinda tema ei tija kui ka hobeste riista, omma Demenzowi ja Jallai ostnu, ent mitte tema Mark, ütel kül neide tõiste meestega poolpäiwa sel 29 Septembr. õdango pimmega kottost ütte wankriga kellel 2 hobbest een olnu, ära sõitwat ja püha päiwa õdango Tartohe jõudnu. ne 2 hobbest o9lnu Demenzowi ja Jallai perrast ent wankri tema perrast, omma üle Weriorra mõisa Tartuhe sõitnu, ja mitte üle Pindi Paidra weskiwi nink Põlwa keriko, Demenkow ja Jallai omma oma hobese Tartun ära müünu.
Abikohtumees Jaan Puusep and tunnistust, et Gustaw Jallai ei ole hendal Tartohe minnen mitte hobbest ütelnu olewat, ja wenelane Demenzow ütelnu, et Jallai oma hobbese 5 rbl. eest Tartun ära om müünu, kelle üle ka Losi mõisa walitseja Ainson, herra von Drewnik ja Jaan Siidra tunnistada woiwa.
Gustaw Jallai aste weel sisse ja and üles, et Mark ja Demenzow neid hobese riistu mitte Tartust ostnu ei ole, enge ne sama olnu joba kottost sõiten näil ütten.
Otsus:
Seda kohtu asja ütte keiserliku Wõrro makohtule selletamises ja mõistmises sisse saata, kui ka ne kolm inemist, selle kinni wõetu wargusega kramiga wahi al ära saata.
kohtumees
abikohtumees
"
Kirjotj.: J.Kirrop
Losi mõisawalitsus and üles, et tema om kunna kõrtsi man kolme tundmata mehe käest 2 hobbest wangerde ja hobeste riistuga ära wõtnu, mes arwata warrastedu, pallep seda asja kohtu selletamise ala wõtta ja süüdlastega sääduse perra tallitada.
1. Saije ette kutsutus wenelane Matwei Demengowitsch, kes henda Pihkwa kreisist ja Panikawitsa wolostist ütlep olewat ja and wastust, et ne mõllemba hobese omma sel 1 Octobril Tartu ladult ostetu, ja mitte warrastedu, nimelt tema Demenzow om selle walsjas werewa ruuna 35 Rbl. ja Jaan Mark Wastselina wallast om selle raudjas mära 45 Rbl. eest ostnu, ja säält omma, nema ka ne hobbeste riista ostnu. Tema Demenzow ja Jaan Mark omma poolpäiwa sel 29 Septembril lõuna aigo selle Gustaw Jallajaga, kellel hobene ja ne wankri olnu, kottost ära sõitnu, Põlwa kõrtsi man söötnu, ja sis püha päiwa pääle lõuna Tartu liina jõudnu.
2. Gustaw Jallai, kes henda Pihkwa kreisist ja Panikowitsa wolistist ütlep olewat, and wasust, et Demenzow ja Mark omma kül ne 2 hobbest Tartu ladalt ostnu, edimane masnu omast 35 Rbl. ja tõine 45 Rbl. ent neist hobeste riistust es ütle tema midagi teedwat. Tema Jallai om uma hobese Tartun 10 rubla eest ära müünu ja sellest rahast 9 rubla Demenzowile hobese osta lainanu. Nema kõik kolm sõitnu ütte wankriga ja omma püha päiwa sel 30 Septembril hommongo warra kottust ära sõitnu üle Pindi Paidra weskiwi, Põlwa kõrtsi man söötnu ja püha päiwa õdangus Tartu liina jõudnu.
Se hobene kellega nema sõitnu omma olnu temal ent wankri Markil.
3. Jaan Mark Wastselina wallast and wastust, et ne kats hobest, kelle hinda tema ei tija kui ka hobeste riista, omma Demenzowi ja Jallai ostnu, ent mitte tema Mark, ütel kül neide tõiste meestega poolpäiwa sel 29 Septembr. õdango pimmega kottost ütte wankriga kellel 2 hobbest een olnu, ära sõitwat ja püha päiwa õdango Tartohe jõudnu. ne 2 hobbest o9lnu Demenzowi ja Jallai perrast ent wankri tema perrast, omma üle Weriorra mõisa Tartuhe sõitnu, ja mitte üle Pindi Paidra weskiwi nink Põlwa keriko, Demenkow ja Jallai omma oma hobese Tartun ära müünu.
Abikohtumees Jaan Puusep and tunnistust, et Gustaw Jallai ei ole hendal Tartohe minnen mitte hobbest ütelnu olewat, ja wenelane Demenzow ütelnu, et Jallai oma hobbese 5 rbl. eest Tartun ära om müünu, kelle üle ka Losi mõisa walitseja Ainson, herra von Drewnik ja Jaan Siidra tunnistada woiwa.
Gustaw Jallai aste weel sisse ja and üles, et Mark ja Demenzow neid hobese riistu mitte Tartust ostnu ei ole, enge ne sama olnu joba kottost sõiten näil ütten.
Otsus:
Seda kohtu asja ütte keiserliku Wõrro makohtule selletamises ja mõistmises sisse saata, kui ka ne kolm inemist, selle kinni wõetu wargusega kramiga wahi al ära saata.
kohtumees
abikohtumees
"
Kirjotj.: J.Kirrop
