Wanna Koiola koggokonna kohtun Wissen, sel 19nel septembril 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Karel Tobrelutz

Läsk Liis Kadde kaibap et Michel Peedzo tedda pesnu; nõwwap 10 rbl., sis om rahho. -

Michel Peedzo wastutas:"Liis Kadde üttel minno hulgusses ja wargas; mes mitte min(n)a õiges ei arwa, sest et tõttes ei woi keaki tetta ja Jaan Kriwat tun(n)ista-

jas ei woi minna mitte wasta wõtta et minno kange wihhalinne om. 

Jaan Kriwa and tun(n)istust:"Sääl Peter leije kül roodja arwalisse malgaga sure kollahussega päha ja üttel: Siin näggiat ei olle ja woi sinno ärra tappa." -

Liis Kadde wastutas:"Min(n)a sinno kül es sõima; enge Jaan Kriwa sõimas sinno kül."  -

Moistetu: Et Liis Kadde Michel Pedzot hulgusses ja wargas om üttelnu, mes awwalik om; nink tun(n)istaja Liis Kadde poolt om Michel Peedzo Jaan Kriwa henda wihhalisses arwanu. -

Otsus: Saap kaibus tühjas arwatus, kui parrembat tun(n)istajat ei olle. 

Kohtokäüjile otsus ette loetu suremba kohtokäümisse sädus § 772, 773 n. 774 perra kulutedu. -

                   Kohtowan(n)emb, Michel Kurwitz  

                   Kohtomees, Jaan Plak

                   Kohtomees, Karel Tobrelutz

                              Kirjotaja, J. Käis