Wanna Koiola koggokonna kohtun Wissen, sel 3tal oktobril 1877

Man olliwa kohtowan(n)emb, M. Kurwitz

                    kohtomees, Jaan Plak

                    kohtomees, Karel Tobrelutz

Jaan Hindrekson, kui nüggane  täüs selle walla Krono tallo ja Akti piddaja kindma perremees, kaibap et tem(m)a essa om(m)a em(m)a ja tem(m)a sõsardega tedda ei ka tem(m)a naise penni eestgi ei piddawat ja süwwa ei andwat muud kui allati trotskat; nõwwap om(m)a kätte prugitawaks antud maija ja maad kige jäädwa raudwarraga henda kätte sis om rahho; ent muido mitte.

Essa Peter Hindrekson wastutas: Minna tahha omma maija eddesi pitta ja mitte tem(m)a kätte anda, sest et mulle Jakob päiwan ei olle ülles üttelnu ja trotsnu tedda ei olle keaki minno laste seast; nink süwwa om(m)a ta allati om(m)a naisega sanu ja keelmist ei olle konnagi olnu." -

Moistetu: Jaan Hindrekson perrip täämbatsest päiwast arwato, om(m)a essa käest täüs maja ja ma kige se essast lubbatu ja kinnitedu jäädwa raud warraga, nink Jaan peap om(m)a essa ja em(m)a, nikawwa, kui na elläwa ausast ülles piddama, ihho katte, kui toido polest, nida kui ütte armsa ja moistlikko poja kohhus kässep, kelle pääl ka essa ja em(m)a õnnistaminne saap hengama.

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu. -

                            Kohtowan(n)emb, Michel Kurwitz  XXX

                            Kohtomees, Jaan Plak  XXX

                            Kohtomees, Karel Tobrelutz  XXX

                            Kohtomees, Michel Plakso  XXX

                                           Kirjotaja, J. Käis

Peter Hindrekson protokoll wälja sanu sel 6 oktobril