Karl Junn kaibas: "Anz Möldre om minno poja Linnerti henda manno karjusses wõtnu, minnewal aastal Kapsa-Marja-päiwal läts temma A. Möldre manno karjusses. 1 kõrda olli Anz Möldre päle suwistepühhi minno poja ärrä ajanu ja poig tulli minno manno, enge minna wei temma jälle A. Möldre manno taggasi; 2 kõrda ajas Anz Möldre päle Janipäiwa minno poja koggonist temma mant ärrä ja es wõtta ennamb henda teenistuste taggasi. 

Kes nüüd selle minno poja eest pärahha massab nink temmale talwe üllespiddamist annab."

Anz Möldre astus kohto ette nink andse Karl Junni kaibusse päle nidate kostust: 

1. 1. Mail 1873 om Linnert Junn minno aida lae ülleskisknu ja aida kappi-lukku ärra rikkunu ja säält 1 naggel püssirohtu ja pistongid ärrä warrastanu;

2. Om Linnert Junn karjaka ülle minno niidu Leese tallode niidu päle lännu. Leese tallo perremehhe ähwärdasi minno kohtule üllesanda, ent minna pallesi, sis jätsewa weel kaibamata. Egga lõuna wahhe kui karri koddon olli, läts Linnert essa manno hainamaa päle appi haina teggema. Minna ajasi temma päle Janipäiwa kohhalt henda mant ärrä. 

Kui temma ärrä läts, olli temmal minno käest 1 pihtsärk, kambson, püksi, hamme ja kübbar, neid ei olle minna mitte taggasi saanu."

Karl Junn tunnistas selle päle: "Se om kül õige, et minna omma poja hainateggemisse manno abbis kutse; sedda minna es tija, et Hans Möldre sedda pahhas pandse."

Otsus.

Karl Junni kaibus om tühjas arwatu; temma omma kui ka Anz Möldre tunnistusse perra ei olle Karl Junnil üttegi palka nõudmist Anz Möldre käest.

Karl Junn peab omma kaibusse taggasi wõtma.  

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX