Lustimõisa kubjas Ado Joakit kaibas: "Talwistepühhi perrametse pühhal leppisi minna Karl Sibbula hendale sullases, nink palkas sai leppitus 20 Rbl. rahha ja üts paar saapid, ent wiimate kuuldse minna, et Annemõisa rentnik Samul Zimmer ollewat se minnole leppitu sullase henda manno leppinu.
Wastse aasta õddakul ütlesi minna Waltina kõrtsin Samul Zimmerile, mes perrast temma se minnole jo ärrä leppitu sullase hendale om wõtnu; sis nakkas Samul Zimmer minno sõimama ja trotsma nink ütles: "Sinna ollet naise-tapja ja mõisa warras, sinna ollet jo mõisa tuwwikesse ka ärrä warrastanu."
Samul Zimmer astus kohto ette ja andse Ado Joakiti kaibusse päle kostust: "Minna olli Karl Sibbulale Talwistepühhi poolpäiwal käerahha 1 Rbl. andnu; minna ei tija tollest middake kas Karl Sibbul Ado Joakiti käest käerahha om wõtnu ehk mitte. Minna ei olle kunnagi Ado Joakiti sõimanu, enne kui Ado Joakit minnole ette heitis, et minna ollewat üts warras ja krants."
Tunnistaja Peter Anzow andse tunnistust: "Samul Zimmeri ja Ado Joakiti tülli allustus tulli sellest; Ado Joakit ütles: "Minna saan Lustimõisa 1000 Rbl. eest renti päle, sinno krantsile ei anna keaki 1500 Rbl. eest." Selle päle ütles Samul Zimmer: "Kas minna sinno krants olle?" Sis ütles Ado Joakit: "Sinna ollet warras ja krants." Selle päle ütles S. Zimmer: "Sinna ollet mõisa warras, naise tapja ja tuwwikesse warras."
Tunnistaja Tõnnis Soowa andse tunnistust: "Minna kuuldse kui Samul Zimmer Ado Joakitile ütles: "Mes sinna joosed kõrtsi mööda ümbre ja otsit hendale sullasid, sinna siist sullast mitte ei sa."
Muud ei tija minna middake ennamb tunnistada."
Sel 5. Märzil 1874.
Tunnistaja Samul Särremat andse tunnistust: "Minna olli Waltina kõrtsin, sääl kuuldse minna kui Ado Joakit ja Samul Zimmer tõine tõist trotsewa nink sõimasi nink Ado Joakit Samul Zimmerit tõukas. "
Tunnistaja soldat Zille Anzow andse tunnistust nida sammute kui Samul Särremat om tunnistanu.
Tunnistaja Karl Treumuth andse tunnistust: "Minna kuuldse kui Ado Joakit ja Samul Zimmer tõine tõist sõimasi nink trotse, ent Ado Joakit olli selle tülli allustaja."
Otsus.
Ado Joakiti kaibus om tühjas mõistetu, selleperrast, et Ado Joakit mitte ütsinda Samul Zimmerist ei olle sõimatus saanu, enge temma om ka Samul Zimmerit trotsnu nink sõimanu.
Neile kohton käujatele omma ka ne L. T. S. §§ 772, 773 aastast 1860 ette loetu, mes tähhele tulleb panda kui surembat kohhut tahhawa käwwa.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
Lustimõisa kubjas Ado Joakit kaibas: "Talwistepühhi perrametse pühhal leppisi minna Karl Sibbula hendale sullases, nink palkas sai leppitus 20 Rbl. rahha ja üts paar saapid, ent wiimate kuuldse minna, et Annemõisa rentnik Samul Zimmer ollewat se minnole leppitu sullase henda manno leppinu.
Wastse aasta õddakul ütlesi minna Waltina kõrtsin Samul Zimmerile, mes perrast temma se minnole jo ärrä leppitu sullase hendale om wõtnu; sis nakkas Samul Zimmer minno sõimama ja trotsma nink ütles: "Sinna ollet naise-tapja ja mõisa warras, sinna ollet jo mõisa tuwwikesse ka ärrä warrastanu."
Samul Zimmer astus kohto ette ja andse Ado Joakiti kaibusse päle kostust: "Minna olli Karl Sibbulale Talwistepühhi poolpäiwal käerahha 1 Rbl. andnu; minna ei tija tollest middake kas Karl Sibbul Ado Joakiti käest käerahha om wõtnu ehk mitte. Minna ei olle kunnagi Ado Joakiti sõimanu, enne kui Ado Joakit minnole ette heitis, et minna ollewat üts warras ja krants."
Tunnistaja Peter Anzow andse tunnistust: "Samul Zimmeri ja Ado Joakiti tülli allustus tulli sellest; Ado Joakit ütles: "Minna saan Lustimõisa 1000 Rbl. eest renti päle, sinno krantsile ei anna keaki 1500 Rbl. eest." Selle päle ütles Samul Zimmer: "Kas minna sinno krants olle?" Sis ütles Ado Joakit: "Sinna ollet warras ja krants." Selle päle ütles S. Zimmer: "Sinna ollet mõisa warras, naise tapja ja tuwwikesse warras."
Tunnistaja Tõnnis Soowa andse tunnistust: "Minna kuuldse kui Samul Zimmer Ado Joakitile ütles: "Mes sinna joosed kõrtsi mööda ümbre ja otsit hendale sullasid, sinna siist sullast mitte ei sa."
Muud ei tija minna middake ennamb tunnistada."
Sel 5. Märzil 1874.
Tunnistaja Samul Särremat andse tunnistust: "Minna olli Waltina kõrtsin, sääl kuuldse minna kui Ado Joakit ja Samul Zimmer tõine tõist trotsewa nink sõimasi nink Ado Joakit Samul Zimmerit tõukas. "
Tunnistaja soldat Zille Anzow andse tunnistust nida sammute kui Samul Särremat om tunnistanu.
Tunnistaja Karl Treumuth andse tunnistust: "Minna kuuldse kui Ado Joakit ja Samul Zimmer tõine tõist sõimasi nink trotse, ent Ado Joakit olli selle tülli allustaja."
Otsus.
Ado Joakiti kaibus om tühjas mõistetu, selleperrast, et Ado Joakit mitte ütsinda Samul Zimmerist ei olle sõimatus saanu, enge temma om ka Samul Zimmerit trotsnu nink sõimanu.
Neile kohton käujatele omma ka ne L. T. S. §§ 772, 773 aastast 1860 ette loetu, mes tähhele tulleb panda kui surembat kohhut tahhawa käwwa.
Päkohtomees Märt Lüüs XXX
Kohtomees Jaan Reiljan XXX
" Sahkri Pik XXX
" Ado Puusep XXX
" Karl Wallner XXX
