Wanna Koiola koggokonna kohtun Wissen, sel 18nel oktobril 1877.

Man olliwa kohtowan(n)emb, Michel Kurwitz

                    kohtomees, Karel Tobrelutz

                    kohtomees, Michel Plakso

Johann Kranziweer kaibap, et Hindrek Taal tälle ilma süüta kõrwa päle lönu; nõwwap hallo rahhas 50 rbl.

Hindrek Taal wastutas:"Tem(m)a olli kella üttessa aigo minno aidan ja olli tulle ülles wõtnu, sis wõtti kübbara pääst ärra; ent löömist es olle; nink tuld ei tohhi tem(m)a minno aidan ülles wõtta." -

Andres Säünas and tun(n)istust: Hindrek Taal´i naine kuts minno henne pole rehhele ja lätsi sinna; nink tulle wõt Johann Hütt essi ülles ja Hindrek Taal leije kül Johann Kranziweer´le kõrwa päle." -

Johann Hütt and tun(n)istust: Hindrek Taal leije kül üts kõrd Johann Kranziweer´le kõrwa päle." -

Moistetu: Et se awwalik, et Hindrek Taal Johann Kranziweerle kõrwa päle om lönu; massap 3 rbl. tälle hallo rahhas ja et kohto keeldo kon(n)agi ei kuule, ja allati wastu lobbisep ilma arwota; istup 3 ööd päiwa selle koggokon(n)a kohto rürmin kinni ja peap eddespiddi omma suud ülle wallitsema. - nink et tulle om(m)a aidan ülles wõtnuwa; massap Johann Hütt, Andres Säünas ja ka Johann Kranziweer eggaüts 1. rbl. selle walla waeste ladike hääs wälja 14 päiwa sissen. -

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                     Kohtowan(n)emb, Michel Kurwitz  XXX

                     Kohtomees, Karel Tobrelutz  XXX

                     Kohtomees, Michel Plakso  XXX

                                 Kirjotaja, J. Käis