Wanna Koiola koggokonna kohtun Wissen, sel 18nel oktobril 1877.

Man olliwa kohtowan(n)emb, Michel Kurwitz

                    kohtomees, Jaan Plak

                     kohtomees, Karel Tobrelutz

Peter Hindrekson tulli ette ja nõwwap om(m)a poja Jaani käest täüt aasta mona ja üllespiddamist hendale ja om(m)a naisele kige polest, sis om rahho. -

Poig Jaan HIndrekson wastutas:"Ellago ütten; nink moona ei tahha minna tälle anda." -

Moistetu: Kui essa Peter Hindrekson essi sedda sowip, omma poja käest; sis ei woi ka kohhus tedda ütte ellama sundi; kost allati eddespiddi woip pahhandust ja kohto käümist mõllembilt poolt ette tulla

Otsus: Annap poig Jaan Hindrekson om(m)a essa ja em(m)a egga aastatses monas, seni kui nem(m)a ellawa ja nim(m)elt: 12 wak. rükki, 12 wak. keswi 20 wakka kartohwlit, 3 punta soola 2 mõõto uppe; 7 leisikat tsea lihha; 3 leisikat heringit, 6 naela tsea ja 4 naela muud raswa; 1 paar 3 rbl.-lissi saapit essale egga aasta ja nisam(m)a ka em(m)ale üts paar parrit poli saapit; üts lüpswa hää lehm om(m)alt poolt egga aasta ülle piddama om(m)a lehmade wisi jogi kui söda polest; rõiwas 2 leisikat linno ja willatse rõiwa tarwis 1 lam(m)as omme haino päält üllepiddama; nink kui peas poigema jäwa egga aastatse poja esa hääs kige willa ja lihhaga; 

4 pari häid tsoge, mes paar massap 40 kop. ja 10 rbl. egga aastatses essale kullu rahhas, ja 1/2 mõdu alla egga aastatses kapstamaas, kohhe poig peap hää sit pandma ja arrima; ent em(m)a peap essi loma murretama ja istutama. Kui peas ehk ette tullema, et essa ehk em(m)a wannausse perrast jõwwetus jäwa, sis peap poig neile üts tallitaja om(m)alt poolt piddama ja selle söök, rõiwas ja palk masma, kui ta nõwwap, üts ait tälle krami panda ja läm(m)i kortel ellada; nink muido sögi tarwis kiik puu prii pallotada ja hobbest paris kõrras kerrikode ehk ka muiale sõita, kui essa sedda peas nõudma. 

Kohtokäüjile otsus ette loetu, suremba kohtokäümisse sädus § 772, 773 n. 774 perra kulutedu

                       Kohtowan(n)emb, Michel Kurwitz  XXX

                       Kohtomees, Jaan Plak  XXX

                       Kohtomees, Karel Tobrelutz  XXX

                       Kohtomees, Michel Plakso  XXX

                               Kirjotaja, J. Käis

Jaan Hindrekson protokoll wälja sanu, sel 24 oktobr. s.a.